स्वामी विवेकानंद सप्ताहाच्या निमित्ताने वांग खोऱ्यातील माध्यमप्रमुख व पत्रकारांचा काकासाहेब चव्हाण महाविद्यालयात भव्य सत्कार समारंभाचे आयोजन.

स्वामी विवेकानंद सप्ताहाच्या निमित्ताने वांग खोऱ्यातील माध्यमप्रमुख व पत्रकारांचा काकासाहेब चव्हाण महाविद्यालयात भव्य सत्कार समारंभाचे आयोजन.

तळमावले / प्रतिनिधी : मराठी पत्रकारितेचे जनक ‘दर्पण’कार आचार्य बाळशास्त्री जांभेकर यांच्या जयंतीनिमित्त साजरा होणाऱ्या *पत्रकार दिनाच्या* औचित्याने तसेच काकासाहेब चव्हाण कॉलेज, तळमावले येथे सुरू असलेल्या *श्री स्वामी विवेकानंद सप्ताहाच्या* निमित्ताने वांग खोऱ्यातील माध्यमप्रमुख व पत्रकार बांधवांचा भव्य सत्कार समारंभ आयोजित करण्यात आला आहे. हा सत्कार समारंभ *मंगळवार दि. १३ जानेवारी २०२६ रोजी सकाळी ९.३० वाजता* काकासाहेब चव्हाण कॉलेज, तळमावले (ता. पाटण, जि. सातारा) येथे संपन्न होणार आहे. या कार्यक्रमात वांग खोऱ्यातील सर्व वृत्तपत्रे, इलेक्ट्रॉनिक व डिजिटल माध्यमांचे माध्यमप्रमुख तसेच पत्रकार बांधवांचा सन्मान करण्यात येणार आहे. लोकशाहीला मजबूत, पारदर्शक व सक्षम बनविण्यात पत्रकारितेची भूमिका अत्यंत महत्त्वाची आहे. समाजातील सत्य, अन्याय, भ्रष्टाचार तसेच सामान्य जनतेचा आवाज निर्भीडपणे मांडण्याचे कार्य पत्रकार बांधव सातत्याने करत आहेत. लोकशाहीचा *चौथा स्तंभ* जिवंत ठेवण्यासाठी पत्रकार अहोरात्र झटत असून त्यांच्या या निष्ठावान कार्याचा सन्मान करणे ही आमच्यासाठी अभिमानाची बाब असल्याचे महाविद्यालयाच्या वतीने सांगण्यात आले. या सत्कार समारंभासाठी वांग खोऱ्यातील सर्व माध्यमप्रमुख व पत्रकार बांधवांना सादर निमंत्रित करण्यात आले असून, त्यांनी कार्यक्रमास *अगत्यपूर्वक उपस्थित राहून सहकार्य करावे, अशी नम्र विनंती महाविद्यालयाचे प्रभारी प्राचार्य प्रो डॉ उषादेवी साळुंखे मॅडम यांनी केली आहे.