मुंबई महापालिकेच्या रणधुमाळीत शिवसेना UBT–मनसे युतीचा एल्गार! मानखुर्दमध्ये कार्यकर्त्यांचा जल्लोष, परिसर घोषणांनी दणाणला.

मुंबई महापालिकेच्या रणधुमाळीत शिवसेना UBT–मनसे युतीचा एल्गार! मानखुर्दमध्ये कार्यकर्त्यांचा जल्लोष, परिसर घोषणांनी दणाणला.

मुंबई, दि. २४ डिसेंबर २०२४
(साप्ताहिक कुमजाई पर्व न्यूज – मानखुर्द प्रतिनिधी)

मुंबई महानगरपालिकेच्या आगामी निवडणुकांच्या पार्श्वभूमीवर शिवसेना (उद्धव बाळासाहेब ठाकरे) आणि महाराष्ट्र नवनिर्माण सेनेच्या युतीची अधिकृत घोषणा होताच राजकीय वातावरण तापले आहे. या ऐतिहासिक युतीच्या आनंदात मानखुर्द परिसरात उत्साहाचे वातावरण निर्माण झाले असून शिवसेना शाखा क्रमांक १४३ मध्ये शिवसैनिक व मनसे सैनिकांनी एकत्र येत जल्लोष साजरा केला.

युतीची बातमी समजताच दोन्ही पक्षांचे कार्यकर्ते मोठ्या संख्येने शाखा कार्यालयात जमले. केक कापून आनंद व्यक्त करण्यात आला.

 यावेळी
“उद्धव साहेब आगे बढो, हम तुम्हारे साथ है!”
“राज साहेब आगे बढो, हम तुम्हारे साथ है!”
अशा जोरदार घोषणांनी संपूर्ण परिसर दणाणून गेला.

शिवसेना UBT व मनसे युतीमुळे मुंबई महानगरपालिकेच्या निवडणुकीत महाविकास आघाडीला मोठी ताकद मिळणार असून, स्थानिक पातळीवर कार्यकर्त्यांमध्ये नवचैतन्य निर्माण झाले आहे. मानखुर्दसारख्या महत्त्वाच्या विभागात दोन्ही पक्षांची एकजूट ही आगामी निवडणुकीच्या दृष्टीने निर्णायक ठरणार असल्याची चर्चा राजकीय वर्तुळात सुरू आहे.

या प्रसंगी दोन्ही पक्षांचे प्रमुख पदाधिकारी, शाखाप्रमुख,महिला आघाडीच्या कार्यकर्त्यां तसेच असंख्य कार्यकर्ते उपस्थित होते. सर्वांनी एकत्र येत युतीला जाहीर पाठिंबा दिला आणि आगामी निवडणुकीत एकदिलाने काम करण्याचा निर्धार व्यक्त केला.

शिवसेना UBT–मनसे युतीमुळे मुंबईच्या राजकारणात नवे समीकरण तयार होत असून, त्याचे पडसाद मानखुर्दसह संपूर्ण मुंबईत उमटू लागले आहेत. आगामी काळात ही युती मुंबई महानगरपालिकेच्या सत्तेसाठी निर्णायक लढत देणार, असा विश्वास कार्यकर्त्यांनी व्यक्त केला.