करपेवाडी - वडिलांच्या स्मरणार्थ करपे बंधूंचे आदर्श कार्य; गावात ५ बेंचचे लोकार्पण.
(साप्ताहिक कुमजाई पर्व प्रतिनिधी तळमावले )
तळमावले - लोकसहभागातून गावविकास साधता येतो, याचे उत्तम उदाहरण करपेवाडी गावचे सुपुत्र तथा सामाजिक जाणिवेतून कार्यरत असलेले मा. संतोष विष्णु करपे व विक्रम विष्णु करपे यांनी दिले आहे. त्यांनी त्यांचे वडील कै. विष्णु गणपती करपे (आप्पा) यांच्या पावन स्मरणार्थ गावातील ज्येष्ठ नागरिकांच्या सोयीसाठी मेन रोड व स्मशानभूमी परिसरात एकूण ५ बेंच उपलब्ध करून दिल्या आहेत.
या बेंचमुळे विशेषतः ज्येष्ठ नागरिक, पादचारी तसेच स्मशानभूमी परिसरात येणाऱ्या नागरिकांना विश्रांतीसाठी मोठा आधार मिळणार आहे. उन्हाळा, पावसाळा किंवा इतर प्रसंगी बसण्यासाठी योग्य सुविधा उपलब्ध झाल्याने ग्रामस्थांनी समाधान व्यक्त केले आहे.
या उपक्रमाबद्दल सरपंच, ग्रामपंचायत सदस्य तसेच सर्व ग्रामस्थांच्या वतीने मा. संतोष करपे व विक्रम करपे यांचे मनःपूर्वक आभार मानण्यात आले. वडिलांच्या स्मरणार्थ समाजोपयोगी कार्य करण्याची त्यांची भावना प्रेरणादायी असून, अशा उपक्रमांमुळे गावातील एकोपा व सामाजिक बांधिलकी अधिक दृढ होते, असे मत ग्रामस्थांनी व्यक्त केले.
करपे बंधूंचा हा उपक्रम गावातील तरुणांसाठी आदर्श ठरणारा असून, भविष्यातही अशाच प्रकारचे लोकहिताचे उपक्रम सातत्याने राबवले जावेत, अशी अपेक्षा ग्रामस्थांनी व्यक्त केली आहे.
कोणत्याही टिप्पण्या नाहीत:
टिप्पणी पोस्ट करा