जाणता राजा युवा शक्ती सेवाभावी संस्था, कुंभारगाव यांच्या वतीने सन २०२६ च्या दिनदर्शिकेचे कुंभारगाव व पंचक्रोशी परिसरात घरोघरी वाटप.
कुंभारगाव | दि. ३१ डिसेंबर २०२५
जाणता राजा युवा शक्ती सेवाभावी संस्थेच्या सभासदांनी सालाबादप्रमाणे याही वर्षी अत्यंत आकर्षक व उपयुक्त अशी दिनदर्शिका प्रकाशित केली असून, या दिनदर्शिकेला ग्रामस्थांचा भरघोस प्रतिसाद मिळत आहे. या दिनदर्शिकेत विभागातील उसत्व यात्रा, विविध धार्मिक व सांस्कृतिक यात्रा, महत्त्वाचे सण-उत्सव, तिथी-वार, तसेच सामाजिक उपक्रमांची सविस्तर व अचूक माहिती समाविष्ट करण्यात आली आहे. त्यामुळे ही दिनदर्शिका सर्वसामान्य नागरिकांसाठी मार्गदर्शक ठरत आहे.
जाणता राजा युवा शक्ती सेवाभावी संस्था ही गेल्या अनेक वर्षांपासून सामाजिक, शैक्षणिक व सेवाभावी उपक्रमांद्वारे परिसरात आपली वेगळी ओळख निर्माण करत आहे. दिनदर्शिका वाटपाचा उपक्रम हा केवळ माहितीपुरता मर्यादित न राहता, संस्थेच्या सामाजिक बांधिलकीचे प्रतीक असल्याचे नागरिकांकडून सांगण्यात आले.
या दिनदर्शिकेच्या निर्मिती व वाटपासाठी संस्थेचे सर्व सभासद, पदाधिकारी, हितचिंतक व सहकार्य करणाऱ्या सर्वांचे संस्थेच्या वतीने मनःपूर्वक आभार मानण्यात आले. तसेच पुढील काळातही अशाच प्रकारे समाजोपयोगी उपक्रम राबवण्यासाठी सर्वांनी संस्थेला साथ द्यावी, असे आवाहन यावेळी करण्यात आले.
जाणता राजा युवा शक्ती सेवाभावी संस्था, कुंभारगाव यांचा हा उपक्रम समाजात सकारात्मक संदेश देणारा व प्रेरणादायी ठरत असून, येणाऱ्या वर्षातही संस्थेकडून विविध लोकहिताचे उपक्रम राबवले जातील, असे संस्थेच्या वतीने सांगण्यात आले.
कोणत्याही टिप्पण्या नाहीत:
टिप्पणी पोस्ट करा