राज्यातील 29 महानगरपालिकांसाठी 15 जानेवारीला मतदान, 16 जानेवारीला मतमोजणी – राज्य निवडणूक आयुक्त दिनेश वाघमारे यांची घोषणा.

## राज्यातील 29 महानगरपालिकांसाठी 15 जानेवारीला मतदान, 16 जानेवारीला मतमोजणी ### – राज्य निवडणूक आयुक्त दिनेश वाघमारे यांची घोषणा.

**मुंबई, दि. 15 :** बृहन्मुंबईसह राज्यातील एकूण **29 महानगरपालिकांच्या सार्वत्रिक निवडणुकांसाठी 15 जानेवारी 2026 रोजी मतदान** तर **16 जानेवारी 2026 रोजी मतमोजणी** होणार असल्याची घोषणा **राज्य निवडणूक आयुक्त दिनेश वाघमारे** यांनी आज केली. या निवडणुकांद्वारे बृहन्मुंबई महानगरपालिकेच्या 227 जागांसह राज्यभरातील एकूण **2,869 जागांसाठी** निवडणूक प्रक्रिया राबविण्यात येणार आहे. निवडणूक कार्यक्रम जाहीर होताच संबंधित सर्व महानगरपालिका क्षेत्रात **आचारसंहिता लागू** झाली आहे. मुंबई येथील सह्याद्री अतिथीगृहात आयोजित पत्रकार परिषदेत ते बोलत होते. यावेळी राज्य निवडणूक आयोगाचे सचिव **सुरेश काकाणी** उपस्थित होते. श्री. वाघमारे यांनी स्पष्ट केले की, ही निवडणूक प्रक्रिया **सर्वोच्च न्यायालयाच्या अंतिम निकालाच्या अधीन** राहून राबविण्यात येत आहे. ### अधिसूचना व मतदानाची वेळ बृहन्मुंबई महानगरपालिकेची अधिसूचना **16 डिसेंबर 2025**, तर उर्वरित 28 महानगरपालिकांची अधिसूचना **18 डिसेंबर 2025** रोजी प्रसिद्ध केली जाईल. सर्व महानगरपालिकांमध्ये **15 जानेवारी 2026 रोजी सकाळी 7.30 ते सायंकाळी 5.30 वाजेपर्यंत मतदान** होणार आहे. ### आचारसंहिता लागू निवडणूक कार्यक्रम जाहीर झाल्यापासून संबंधित महानगरपालिका क्षेत्रात आचारसंहिता लागू करण्यात आली आहे. या कालावधीत मतदारांवर प्रभाव टाकणाऱ्या कोणत्याही घोषणा किंवा कृती करता येणार नाहीत. मात्र, नैसर्गिक आपत्ती व आपत्कालीन मदतीबाबत आवश्यक उपाययोजनांना आचारसंहितेची अडचण असणार नाही. ### महानगरपालिकांची स्थिती राज्यातील 29 महानगरपालिकांपैकी **जालना व इचलकरंजी** या दोन नव्याने निर्मित आहेत. * 5 महानगरपालिकांची मुदत 2020 मध्ये * 18 महानगरपालिकांची मुदत 2022 मध्ये * 4 महानगरपालिकांची मुदत 2023 मध्ये संपलेली आहे. ### बहुसदस्यीय प्रभाग पद्धत बृहन्मुंबई वगळता उर्वरित **28 महानगरपालिकांमध्ये बहुसदस्यीय प्रभाग पद्धतीने** निवडणूक होणार आहे. त्यामुळे प्रत्येक मतदाराला **3 ते 5 मते** द्यावी लागतील. बृहन्मुंबईत मात्र **एक सदस्यीय प्रभाग पद्धत** असल्याने प्रत्येक मतदाराला एकच मत देता येईल. ### नामनिर्देशन प्रक्रिया महानगरपालिका निवडणुकीसाठी **नामनिर्देशनपत्रे ऑफलाईन पद्धतीने** स्वीकारण्यात येणार आहेत. नामनिर्देशन कालावधी – **23 ते 30 डिसेंबर 2025** छाननी – **31 डिसेंबर 2025** माघार – **2 जानेवारी 2026** चिन्ह वाटप व अंतिम यादी – **3 जानेवारी 2026** ### मतदार व मतदान व्यवस्था या निवडणुकांसाठी राज्यभरात * **एकूण मतदार : 3,48,78,017** * पुरुष : 1,81,93,666 * महिला : 1,66,79,755 * इतर : 4,596 * **एकूण मतदान केंद्रे : 39,147** पुरेशा प्रमाणात **ईव्हीएम यंत्रांची व्यवस्था** करण्यात आली असून, बृहन्मुंबईसाठी स्वतंत्र नियोजन करण्यात आले आहे. ### ‘मताधिकार’ मोबाईल ॲप मतदारांना आपले नाव, मतदान केंद्र व उमेदवारांची माहिती मिळण्यासाठी **‘मताधिकार’ हे मोबाईल ॲप** उपलब्ध करून देण्यात आले आहे. हे ॲप गुगल प्ले स्टोअरवर उपलब्ध आहे. तसेच **[https://mahasecvoterlist.in/](https://mahasecvoterlist.in/)** या संकेतस्थळावरूनही मतदार यादी पाहता येणार आहे. ### ज्येष्ठ नागरिक व दिव्यांगांसाठी विशेष सुविधा मतदान केंद्रांवर **ज्येष्ठ नागरिक, दिव्यांग, गर्भवती महिला व लहान मुलांसह येणाऱ्या महिलांना प्राधान्य** देण्यात येईल. रॅम्प, व्हीलचेअर, पिण्याचे पाणी, वीज, सावली व शौचालयांची व्यवस्था अनिवार्य असेल. ### प्रचारावर 48 तासांची बंदी मतदान संपण्याच्या **48 तास आधी म्हणजे 14 जानेवारी 2026 रोजी सायंकाळी 5.30 नंतर कोणत्याही प्रकारचा प्रचार व जाहिरात बंद** राहील. ### खर्च मर्यादा * बृहन्मुंबई, पुणे, नागपूर – ₹15 लाख * ‘ब’ वर्ग – ₹13 लाख * ‘क’ वर्ग – ₹11 लाख * ‘ड’ वर्ग – ₹9 लाख राज्य निवडणूक आयोगाने सर्व महानगरपालिका आयुक्तांना **मतदार जागृती वाढवण्याचे स्पष्ट निर्देश** दिले असून, शांततापूर्ण, पारदर्शक व निष्पक्ष निवडणूक पार पाडण्याचा निर्धार व्यक्त केला आहे. ---

"मानखुर्द महाराष्ट्र नगर - शिवसेना संघटना मजबूत – मानखुर्दात कार्यकर्त्यांचा पक्षप्रवेश"

**मानखुर्दच्या राजकारणात उलथापालथ – शिवसेनेला नवी ऊर्जा* **मानखुर्द | प्रतिनिधी – कुमजाई पर्व न्यूज** **दिनांक : ०७ डिसेंबर २०२५**

अणुशक्तीनगर विधानसभा अंतर्गत आयोजित करण्यात आलेल्या भव्य शिवसेना कार्यकर्ता संवाद मेळाव्यात रविवारी मोठ्या संख्येने पदाधिकारी व कार्यकर्त्यांचा शिवसेना (शिंदे गट) मध्ये जाहीर प्रवेश झाला. या प्रवेशामुळे संपूर्ण मानखुर्द विभागात राजकीय वातावरण तापले असून अणुशक्तीनगर विधानसभा मतदारसंघात शिवसेनेला मोठे बळ मिळाले आहे. शिवसेना पक्षप्रमुख व महाराष्ट्राचे उपमुख्यमंत्री मा. श्री. एकनाथ शिंदे साहेब यांच्या दूरदर्शी नेतृत्वावर विश्वास ठेवून तसेच शिवसेना उपनेते व लोकसभा गटनेते मा. खासदार श्री. राहुलजी शेवाळे साहेब यांच्या प्रमुख उपस्थितीत अनेक मान्यवरांनी शिवसेनेत प्रवेश केला. ### ✦ शिवसेनेत प्रवेश करणारे प्रमुख मान्यवर पाटण तालुका रहिवाशी सेवा संघाचे माजी अध्यक्ष तथा मनसे कार्यकर्ता **जयवंतराव वरंडे**, जय स्वराज्य प्रतिष्ठानचे संस्थापक व उबाठा गटाचे **दत्तात्रय डोंगळे**, तसेच **एकनाथ बेबले, दिनेश धनवे, नामदेव वरडे, विठ्ठल टोपले, सुभाष चव्हाण, अशोक पाडी, दिनकर पवार, संजय जाधव, नितीन तांदळे, दत्ताराम वरांडे, दत्ता वरांडे, विशाल कोळेकर, दीपक लाड, शांताराम कोळेकर, सुरेश कोळेकर, हरीश पाटील, विजय कदम** यांच्यासह अनेक कार्यकर्त्यांनी शिवसेनेत जाहीर प्रवेश केला. या प्रवेशामुळे शिवसेना संघटनेत नवचैतन्य निर्माण झाले असून आगामी स्थानिक स्वराज्य संस्थांच्या निवडणुकांमध्ये त्याचा मोठा फायदा होईल, असे मत उपस्थित पदाधिकाऱ्यांनी व्यक्त केले. या कार्यक्रमास लोकसभा दक्षिण मध्य मुंबई महिला संपर्क प्रमुख **सौ. कामिनी राहुल शेवाळे**, माजी नगरसेवक व सायन विभाग प्रमुख **मा. श्री. मंगेश सातमकर**, विभाग प्रमुख **अविनाश राणे**, महिला विभाग प्रमुख **सुनीता वैती मॅडम**, विधानसभा प्रमुख **श्री. सचिन यादव**, विधानसभा प्रमुख (सहकार सेना) **श्री. शिवाजी पवार**, तसेच शाखा प्रमुख **नवनाथ मतकर** यांची प्रमुख उपस्थिती होती.

यावेळी उपस्थित मान्यवरांनी कार्यकर्त्यांना मार्गदर्शन करत शिवसेनेच्या विचारधारेची आणि विकासात्मक भूमिकेची माहिती दिली. "सामान्य जनतेशी थेट संपर्क, विकासात्मक कामे आणि मजबूत संघटनाच शिवसेनेची खरी ताकद आहे," असे मत त्यांनी व्यक्त केले. हा भव्य प्रवेश सोहळा यशस्वी करण्यासाठीसहकार सेना विधानसभा प्रमुख **शिवाजी पवार**,शाखा समन्वयक **गणेश देसाई**,**अरुण साळुंखे** यांनी विशेष परिश्रम घेतले. या वेळी खासदार **राहुल शेवाळे** यांनी उपस्थित कार्यकर्त्यांशी संवाद साधताना सांगितले की, “या प्रवेशामुळे अणुशक्तीनगर विधानसभा क्षेत्रात शिवसेनेची मुळे आणखी घट्ट झाली आहेत. आगामी काळात विकासकामांचा वेग वाढेल आणि संघटना अधिक भक्कम होईल.” कार्यकर्त्यांमध्ये उत्साहाचे वातावरण असून, मोठ्या संख्येने नागरिकांनी उपस्थित राहून या कार्यक्रमाला अभूतपूर्व प्रतिसाद दिला. ---

अक्षय चव्हाण यांच्या प्रयत्नाला यश पालकांना ऑरीजनल शैक्षणिक कागदपत्रे सुपुर्द.

सणबूर : रयत विद्यार्थी विचार मंच पश्चिम महाराष्ट्र प्रभारी अध्यक्ष अक्षय चव्हाण यांच्याकडे विद्यार्थीनीची तक्रार चैताली लॅबोरेटरीचे संचालक सामाजिक कार्यकर्ते धर्मेंद्र मगरे यांच्या नेतृत्वाखाली ०४-११-२०२५ रोजी प्राप्त झाली होती. मोहीनी दिलीप घाडगे राहणार चिखलेवाडी, ता. पाटण जि. सातारा ही विद्यार्थीनी सावकार होमीओपॅथी मेडीकल कॉलेज सातारा येथे शिक्षण घेत होती. शिक्षण घेत असताना काही कारणाने अर्ध्यावर शिक्षण सोडाव लागलं. ती विद्यार्थीनी वारंवार कॉलेजला अर्ज करत होती, तेथे बघु, देऊया, अर्ज करा, अशी त्या विद्यार्थीनीची वडातान करत होती. ह्या विद्यार्थीनीची दखल घेत रयत विद्यार्थी विचार मंच पश्चिम महाराष्ट्र प्रभारी अध्यक्ष यांनी हा प्रश्न मार्गी लावला आहे आणि तीन दिवसात पालकांना विद्यार्थीनीचे सर्व ऑरीजनल कागदपत्रे सुपुर्द केले आहे. पालकांनमध्ये व विद्यार्थीनीमध्ये समाधानाचे वातावरण निर्माण झाले आहे व पालकांनी अक्षय चव्हाण यांना भेटुन आभार मानले आहे.

*कुंभारगाव जि. प. शाळा नं. २ ला प्रोजेक्टर व संगणक भेट; शैक्षणिक सुविधांना नवे बळ*

कुंभारगाव जि. प. शाळा नं. २ ला प्रोजेक्टर व संगणक भेट; शैक्षणिक सुविधांना नवे बळ

कुमजाई पर्व न्यूज नेटवर्क कुंभारगाव (ता. पाटण, जि. सातारा) :

जिल्हा परिषद प्राथमिक शाळा कुंभारगाव नंबर २, चाळकेवाडी या शाळेस माजी मुख्याध्यापिका श्रीमती दौलतबी मुल्ला व माजी पदवीधर शिक्षक श्री. शंकर कुमार यांच्या वतीने स्मार्ट अँड्रॉइड प्रोजेक्टर भेट देण्यात आला. तसेच सरपंच श्री. अशोक चाळके यांच्या माध्यमातून शाळेस एक संगणक व प्रिंटर प्रदान करण्यात आला. या दोन्ही शैक्षणिक साधनांचा अर्पण सोहळा दि. ३ डिसेंबर २०२५ रोजी शाळेच्या प्रांगणात आयोजित पालक सभेत उत्साहाच्या वातावरणात संपन्न झाला.

या कार्यक्रमामुळे शाळेतील विद्यार्थ्यांना डिजिटल शिक्षणाची नवी दिशा मिळणार असून अध्ययन-अध्यापन प्रक्रिया अधिक प्रभावी, आकर्षक व समकालीन होणार आहे. विद्यार्थ्यांना दृकश्राव्य माध्यमातून विषय समजणे सोपे व्हावे, माहिती तंत्रज्ञानाचा उपयोग करून स्पर्धात्मक युगात त्यांना सक्षम करता यावे या उद्देशाने हा उपक्रम राबविण्यात आला.

कार्यक्रमाच्या अध्यक्षस्थानी शाळा व्यवस्थापन समितीच्या अध्यक्षा सौ. मीना चाळके उपस्थित होत्या. यावेळी उपसरपंच सौ. अलका चाळके, ग्रामपंचायत सदस्य श्री. अशोक चाळके व सौ. वनिता चाळके, पोलीस पाटील सौ. वंदना चाळके, शाळेतील सर्व शिक्षक, पालक तसेच माजी विद्यार्थी मोठ्या संख्येने उपस्थित होते.

यावेळी बोलताना माजी मुख्याध्यापिका श्रीमती दौलतबी मुल्ला म्हणाल्या, “ग्रामीण भागातील विद्यार्थ्यांना आधुनिक शिक्षणाची संधी मिळावी, यासाठीच हे छोटेसे योगदान देताना समाधान वाटते. विद्यार्थी हेच देशाचे भविष्य आहेत.” तर सरपंच श्री. अशोक चाळके यांनी, “डिजिटल शिक्षण हे काळाची गरज आहे. गावातील प्रत्येक विद्यार्थ्यांना दर्जेदार शिक्षणाची सुविधा मिळावी, यासाठी ग्रामपंचायत सदैव तत्पर राहील,” असे सांगितले.

शाळेच्या मुख्याध्यापकांनी व शिक्षकवृंदांनी या योगदानाबद्दल सर्व दात्यांचे आभार मानले. पालकांनीही या उपक्रमाचे मनःपूर्वक स्वागत करून ग्रामीण शिक्षणाच्या दृष्टीने हा एक प्रेरणादायी आदर्श असल्याचे मत व्यक्त केले.

सर्वांच्या सहकार्यामुळे कार्यक्रम यशस्वीपणे पार पडला. नव्या संगणक व प्रोजेक्टरमुळे विद्यार्थ्यांमध्ये नवचैतन्य निर्माण होऊन शाळेच्या शैक्षणिक गुणवत्तेत निश्चितच वाढ होईल, असा विश्वास उपस्थितांनी व्यक्त केला.

*पाटण पंचायत समितीवर भाजपचाच झेंडा फडकणार – भरत पाटील.* *मंद्रुळकोळे जिल्हा परिषद गटातील भाजप कार्यकर्त्यांचा संवाद मेळावा उत्साहात संपन्न..*

पाटण पंचायत समितीवर भाजपचाच झेंडा फडकणार – भरत पाटील मंद्रुळकोळे जिल्हा परिषद गटातील भाजप कार्यकर्त्यांचा संवाद मेळावा उत्साहात संपन्न.

ढेबेवाडी (ता. पाटण) | कुमजाई पर्व न्यूज नेटवर्क आगामी जिल्हा परिषद व पंचायत समितीच्या निवडणुकांच्या पार्श्वभूमीवर मंद्रुळकोळे जिल्हा परिषद गटातील भारतीय जनता पक्षाच्या कार्यकर्त्यांचा संवाद मेळावा ढेबेवाडी, ता. पाटण येथे मोठ्या उत्साहात पार पडला. या मेळाव्यात भाजपने तालुक्यात पूर्ण ताकदीने निवडणूक लढवून निश्चितपणे विजय मिळवणार असल्याचा निर्धार व्यक्त केला गेला. यावेळी बोलताना राष्ट्रीय खनिज विकास महामंडळाचे संचालक भरत पाटील यांनी विरोधकांवर जोरदार टीका करत म्हटले, “जिल्हा परिषद व पंचायत समितीची निवडणूक कधीही लागूद्या, भारतीय जनता पक्ष ही निवडणूक ताकदीने लढणार आणि जिंकणारही. आमचे पैलवान लढायला तयार आहेत, पण विरोधकांना अजून उमेदवारही सापडत नाहीत,” असा टोला त्यांनी लगावला. मेळाव्यास माजी शेती सभापती हिंदुराव पाटील, माजी जिल्हा परिषद सदस्य रमेश पाटील, भाजप तालुकाध्यक्ष गणेश यादव, भाजप जिल्हा उपाध्यक्ष दिपकराव महाडीक, प्रतापराव देसाई यांच्यासह मोठ्या संख्येने कार्यकर्ते उपस्थित होते. भरत पाटील पुढे म्हणाले की, “या मतदारसंघात भाजपची ताकद दिवसेंदिवस वाढत आहे. तालुक्याचे नेते सत्यजितसिंह पाटणकर भाजपाच्या प्रवाहात सहभागी झाल्यानंतर पाटण तालुक्याच्या राजकारणाला नवी दिशा मिळाली असून येणाऱ्या निवडणुकीत याचा थेट फायदा भाजपाला होणार आहे. माजी जिल्हा परिषद सदस्य रमेश पाटील यांनी मनोगत व्यक्त करताना सांगितले, “गेल्या निवडणुकीत हिंदुराव पाटील आणि मी एकमेकांच्या विरोधात लढलो होतो. मात्र आज आम्ही सर्वजण भाजपाच्या झेंड्याखाली एकत्र आलो आहोत. आता भाजप देईल त्या उमेदवाराला मोठ्या मताधिक्याने विजयी करणे, ही आपली सर्वांची जबाबदारी आहे. तसेच माजी शेती सभापती हिंदुराव पाटील म्हणाले, “पाटण तालुका आता परिवर्तनाच्या दिशेने जात आहे. आपण सर्वांनी जुना-नवा भेदभाव विसरून भाजप म्हणून एकत्रित काम केले, तर विकासाची नवी दिशा या भागाला मिळेल.” या मेळाव्यात मंद्रुळकोळे ग्रामपंचायतीच्या सदस्या प्रमिला पाटील यांनी आपल्या सहकाऱ्यांसह भारतीय जनता पक्षात जाहीर प्रवेश केला. उपस्थित मान्यवरांच्या हस्ते त्यांचा सत्कार करण्यात आला. यावेळी दिपक महाडीक (महाड), अभिजित पाटील, नितीन पाटील, तुकाराम जाधव, रामचंद्र मत्रे यांनीही आपली भाषणे केली. मेळाव्याचे प्रास्ताविक सचिन जाधव यांनी केले, सूत्रसंचालन अभिजित कडव यांनी केले, तर अंकुश मोंडे यांनी उपस्थितांचे आभार मानले.

कामोठे परिसरातील हायप्रोफाईल ‘प्रतीक जेम्स’ सोसायटीत घडलेल्या तब्बल २८ लाख रुपयांच्या सोन्याच्या दागिन्यांच्या चोरीचा धक्कादायक खुलासा.

कामोठे (पनवेल) – शहरालगतच्या कामोठे परिसरातील हायप्रोफाईल ‘प्रतीक जेम्स’ सोसायटीत घडलेल्या तब्बल २८ लाख रुपयांच्या सोन्याच्या दागिन्यांच्या चोरीचा धक्कादायक खुलासा अखेर कामोठे पोलिसांनी केला आहे. विशेष म्हणजे ही चोरी कोणत्याही बाहेरील चोरट्यांनी नव्हे, तर थेट सोसायटीच्या चेअरमन मोनिका दिघे यांनीच केल्याचे तपासात निष्पन्न झाले आहे. पोलिसांनी त्यांना अटक करून चोरीचा शंभर टक्के मुद्देमाल जप्त केला आहे.

नेमकं काय घडलं होतं? दि. १६ सप्टेंबर रोजी प्रतीक जेम्स सोसायटीमधील म्हसकर कुटुंबाच्या घरातून सुमारे २८ लाख रुपये किमतीचे सोन्याचे दागिने चोरीला गेल्याची घटना उघडकीस आली. सुरुवातीला अज्ञात चोरट्यांनी चोरी केल्याचा संशय व्यक्त केला जात होता. सोसायटीत आणि परिसरात खळबळ उडाली होती. मात्र तपास जसजसा पुढे जात गेला, तसतसे संशयाचे बोट अधिकाधिक सोसायटीतीलच एका व्यक्तीकडे वळू लागले – आणि ती व्यक्ती होती सोसायटीची चेअरमन मोनिका दिघे! CCTV डिलीट… पण चुकूनच मिळाला पुरावा चोरी लपवण्यासाठी मोनिका दिघे यांनी सोसायटीतील जवळपास १० मिनिटांचे CCTV फुटेज डिलीट केले होते. मात्र स्वतःला निर्दोष सिद्ध करण्याच्या नादात त्यांनीच पोलिसांना जे फुटेज दिले, त्याच फुटेजमुळे त्यांचा गुन्हा उघडकीस आला. तांत्रिक तपासात फुटेजमध्ये छेडछाड (एडिटिंग/डिलिटींग) केल्याचे ठोस पुरावे पोलिसांना मिळाले. त्यानंतर सीसीटीव्ही डेटा, टाइम-स्टॅम्प आणि हालचालींची बारकाईने पडताळणी केल्यानंतर दिघे यांच्यावर संशय अधिक बळावला. बँक स्टेटमेंटमध्ये फेरफाराचा प्रयत्न फक्त सीसीटीव्हीच नव्हे, तर मोनिका दिघे यांनी त्यांच्या बँक स्टेटमेंटमधील काही एन्ट्री एडिट करण्याचाही प्रयत्न केल्याचे तपासात समोर आले आहे. आर्थिक व्यवहार लपवण्याचा प्रयत्न केल्याने पोलिसांचा संशय अधिक गडद झाला. त्यानंतर तांत्रिक पुरावे, आर्थिक व्यवहारांचा मागोवा आणि चौकशीअंती त्यांनी गुन्ह्याची कबुली दिली. पोलिसांनी चोरीतील संपूर्ण सोन्याचे दागिने हस्तगत केले आहेत. चोर असूनही पीडितांसोबत जेवायला! या प्रकरणातील सर्वांत धक्कादायक बाब म्हणजे – दिघे यांनी दागिने चोरल्यानंतर त्याच म्हसकर कुटुंबासोबत जेवणालाही गेल्या होत्या. चोरच मालकाच्या जवळ बसून सहानुभूती दाखवत असल्याचे हे धक्कादायक चित्र आहे. समाजात खळबळ, नागरिकांमध्ये नाराजी या घटनेमुळे संपूर्ण सोसायटीत आणि कामोठे परिसरात संतापाचे वातावरण आहे. सोसायटीच्या जबाबदार पदावर असलेली व्यक्तीच गुन्हेगार निघाल्याने नागरिकांमध्ये भीती आणि नाराजी व्यक्त केली जात आहे. “आजकाल कोणावर विश्वास ठेवायचा, हा खरा प्रश्न आहे. ज्यांच्यावर आपण डोळे झाकून विश्वास ठेवतो, त्यांच्या मनातच कुठे काय सुरु असतं हे सांगता येत नाही,” अशी प्रतिक्रिया एका रहिवाशाने व्यक्त केली. पोलीसांचे कौतुकास्पद काम कामोठे पोलिसांनी सांगितले की हा गुन्हा अत्यंत नियोजनबद्ध पद्धतीने करण्यात आला होता. परंतु अत्याधुनिक तांत्रिक विश्लेषण, सीसीटीव्ही तपास आणि आर्थिक चौकशीमुळे सत्य समोर आले. योग्यवेळी घेतलेल्या निर्णयामुळे गुन्हा उघडकीस आणण्यात यश आले. सध्या आरोपी मोनिका दिघे पोलिसांच्या ताब्यात असून पुढील तपास सुरू आहे.

मानखुर्द - महिलांच्या आरोग्यासाठी शिवसेनेचा मायेचा हात – प्रभाग क्रमांक १४३ मध्ये मोफत महिला आरोग्य शिबिर यशस्वी.

मानखुर्द - महिलांच्या आरोग्यासाठी शिवसेनेचा मायेचा हात – प्रभाग क्रमांक १४३ मध्ये मोफत महिला आरोग्य शिबिर यशस्वी मुंबई | मानखुर्द प्रतिनिधी :

महिलांच्या आरोग्य रक्षणासाठी आणि जनजागृती करण्याच्या उद्देशाने शिवसेना प्रभाग क्रमांक १४३ मधील माझ्यासह सर्व शिवसैनिकांच्या संकल्पनेतून भव्य मोफत महिला आरोग्य शिबिराचे आयोजन करण्यात आले होते. हे शिबिर अत्यंत यशस्वीपणे पार पडले असून मोठ्या संख्येने महिलांनी या उपक्रमाचा लाभ घेतला. या शिबिरामध्ये महिलांसाठी अतिशय महत्त्वाच्या आणि आवश्यक असलेल्या तपासण्या मोफत करण्यात आल्या. त्यामध्ये गर्भाशयमुख कर्करोग तपासणी , स्तन तपासणी , रक्तदाब तपासणी यांचा समावेश होता. अनेक महिलांना या शिबिरातून आजाराची प्राथमिक लक्षणे ओळखण्याचे मार्गदर्शन मिळाले, तसेच नियमित तपासणीचे महत्त्व समजले. “प्रतिबंध हाच सर्वोत्तम उपचार” हा संदेश उपस्थितांना प्रभावीपणे देण्यात आला. या समाजोपयोगी उपक्रमासाठी शिवसेना उपनेते तथा खासदार मा. राहुल शेवाळे साहेब आणि मा. नगरसेविका सौ. कामिनी शेवाळे वहिनी यांचे मोलाचे मार्गदर्शन व पाठबळ लाभले. त्यांच्या प्रेरणेतूनच हा उपक्रम अधिक व्यापक, लोकाभिमुख आणि परिणामकारक ठरला. तसेच रिलायन्स फाउंडेशनच्या तज्ज्ञ वैद्यकीय टीमने या शिबिरात महिलांना योग्य वैद्यकीय सल्ला व मार्गदर्शन दिले. या टीममध्ये आशा बनकर (सोशल वर्क) डॉ. मैथिली सावंत,ज्योत्स्ना पाटील,वर्षा भालेराव,अनिरुद्ध जामसंडेकर यांचा समावेश होता. उपस्थित तज्ञ डॉक्टरांनी महिलांना विविध आजाराची लक्षणे, प्रतिबंधात्मक उपाय आणि वेळेवर तपासणीचे महत्त्व अत्यंत सुलभ आणि प्रभावी पद्धतीने समजावून सांगितले. त्यांच्या सेवाभावाचे उपस्थित महिलांनी विशेष कौतुक केले. या उपक्रमाच्या यशस्वी आयोजनात शिवसेनेचे अनेक वरिष्ठ पदाधिकारी, महिला शाखा प्रमुख सौ. प्रेरणा खरात, माजी नगरसेविका सौ.ऋतुजा तारी शाखा समन्वयक, उपशाखा प्रमुख, महिला व पुरुष गटप्रमुख तसेच विभागातील सर्व महिला पदाधिकारी आणि शिवसैनिक सहभागी झाले होते. सर्वांच्या एकजुटीमुळे आणि मेहनतीमुळेच हा कार्यक्रम मोठ्या प्रमाणात यशस्वी झाला. यावेळी बोलताना शाखा प्रमुख श्री. नवनाथ मतकर व महिला शाखा प्रमुख सौ. प्रेरणा खरात यांनी सांगितले की, “शिवसेना म्हणजे केवळ राजकारण नव्हे, तर समाजाच्या प्रत्येक घटकासाठी अखंडपणे काम करणारी संघटना आहे. महिलांचे आरोग्य सुरक्षित असेल तर कुटुंब, आणि पर्यायाने समाज सुदृढ राहतो. अशाच समाजोपयोगी उपक्रमांची मालिका पुढेही सुरू राहणार आहे.” या उपक्रमामुळे परिसरातील महिलांमध्ये आरोग्याबाबत जागरूकता वाढीस लागली असून शिवसेनेच्या या सामाजिक उपक्रमाचे सर्व स्तरातून कौतुक करण्यात येत आहे