४ थी राष्ट्रीय मर्दानी स्पोर्ट्स चॅम्पियनशिप २०२६ मुंबई शहर व नवी मुंबईच्या खेळाडूंची ऐतिहासिक कामगिरी; २२ सुवर्णांसह ५८ पदकांची घवघवीत कमाई.

४ थी राष्ट्रीय मर्दानी स्पोर्ट्स चॅम्पियनशिप २०२६ मुंबई शहर व नवी मुंबईच्या खेळाडूंची ऐतिहासिक कामगिरी; २२ सुवर्णांसह ५८ पदकांची घवघवीत कमाई.

४ थी मर्दानी स्पोर्ट्स राष्ट्रीय चॅम्पियनशिप २०२६ ही स्पर्धा दि. ९ ते ११ जानेवारी २०२६ दरम्यान उत्तर प्रदेशातील चौक स्टेडियम, लखनऊ येथे अत्यंत उत्साहात व दिमाखात पार पडली. ही राष्ट्रीय पातळीवरील प्रतिष्ठित स्पर्धा मर्दानी स्पोर्ट्स फेडरेशन ऑफ इंडिया व मर्दानी स्पोर्ट्स असोसिएशन उत्तर प्रदेश यांच्या संयुक्त विद्यमाने आयोजित करण्यात आली होती. स्पर्धेचे उद्घाटन उत्तर प्रदेशचे उपमुख्यमंत्री मा. श्री. ब्रजेश पाठक जी यांच्या शुभहस्ते झाले. तर समारोपप्रसंगी उत्तर प्रदेश ऑलिम्पिक असोसिएशनचे महासचिव मा. श्री. अनादेश्वर पांडेय जी यांच्यासह अनेक मान्यवर उपस्थित होते. या स्पर्धेत देशभरातील १६ राज्यांमधील सुमारे ३५० खेळाडूंनी सहभाग नोंदवून मर्दानी क्रीडाप्रकाराचे सामर्थ्य दाखवून दिले. ही स्पर्धा मर्दानी स्पोर्ट्स व पारंपरिक मर्दानी अशा दोन प्रकारांत पार पडली. संपूर्ण स्पर्धेचे तांत्रिक संचालन श्री. केतन आंधळे सर यांच्या मार्गदर्शनाखाली अत्यंत शिस्तबद्ध व यशस्वीरीत्या झाले. मुंबई शहर – नवी मुंबईचे राष्ट्रीय पातळीवर वर्चस्व या राष्ट्रीय स्पर्धेत मुंबई शहर व नवी मुंबईच्या खेळाडूंनी दमदार, शिस्तबद्ध व कौशल्यपूर्ण खेळाचे प्रदर्शन करत राष्ट्रीय पातळीवर आपले वर्चस्व सिद्ध केले. खेळाडूंनी एकूण — 🥇 २२ सुवर्ण पदके 🥈 १७ रौप्य पदके 🥉 १९ कांस्य पदके

अशी एकूण ५८ पदकांची घवघवीत कमाई करत महाराष्ट्राच्या शौर्यपरंपरेचा अभिमान उंचावला. मर्दानी स्पोर्ट्स इव्हेंटमधील पदक विजेते सुवर्ण पदक विजेते : प्रिन्स गुप्ता, आर्या पांडे, अनन्या पवार, तृष्णा राऊत, श्रेया नायर, काब हजू रौप्य पदक विजेते : रिया सिंह, रुद्र राणे कांस्य पदक विजेती : अंजली दुबे पारंपरिक मर्दानी इव्हेंटमधील उल्लेखनीय कामगिरी. लाठी स्पर्धा – सुवर्ण : मनस्वी जगताप, अवन्या पाटील, सोनाली सावंत, श्रेयस पवार रौप्य : आर्या पांडेय, अनन्या पवार, श्रेया नायर, राज पाटील, अनुश्री नाईक, आरुषी काकडे कांस्य : प्रिन्स गुप्ता, रिया सिंह, अंजली दुबे, तृष्णा राऊत, काब हजू, रुद्र राणे, अन्वी सकपाळ, अंश गोडे भाला स्पर्धा – सुवर्ण: अद्विक बुरुंगले, आर्या पांचाळ, सलोनी कुबल, आरव वारे, गार्गी जवके, सोनाली सावंत कांस्य : विघ्नेश गोरड, स्वराज्य पवार, अजिंक्य साळुंखे, श्रेयस पवार, राज पाटील दुहेरी लाठी – अनया मगदूम (सुवर्ण), मनस्वी जगताप (रौप्य), गार्गी जवके (कांस्य) दांडपट्टा – धृती पाटील (सुवर्ण), अनया मगदूम व आरुषी काकडे (रौप्य), सानिध्य निकम (कांस्य) तलवार – सानिध्य निकम (कांस्य) सांघिक लाठी – सुवर्ण पदक अन्वी सकपाळ, अंश गोडे, अवन्या पाटील, अनुश्री नाईक मार्गदर्शन व प्रशिक्षणाचे मोठे योगदान या यशस्वी संघाला टीम कोच श्री. संतोष संकपाळ सर व टीम मॅनेजर सौ. वैष्णवी कोकाटे-आंधळे मॅडम यांचे मोलाचे मार्गदर्शन लाभले. तसेच सौ. आरती संकपाळ व कु. श्रेयस खेडेकर यांनी राष्ट्रीय पंच म्हणून जबाबदारी पार पाडली. खेळाडूंना ऋषिकेश देवकर सर, शिल्पा बाबर मॅडम व गणेश शिखरे सर यांचे दर्जेदार प्रशिक्षण लाभले आहे. संघाचे अभिनंदन मर्दानी स्पोर्ट्स फेडरेशन ऑफ इंडियाचे सचिव श्री. संतोष खंदारे सर,खजिनदार श्री. विनोद कुंजिर सर व तांत्रिक संचालक श्री. केतन आंधळे सर यांनी सर्व विजयी खेळाडूंचे मनःपूर्वक अभिनंदन करून त्यांच्या पुढील वाटचालीसाठी शुभेच्छा दिल्या. ही ऐतिहासिक कामगिरी मर्दानी क्रीडाप्रकाराच्या उज्ज्वल भविष्यासाठी नक्कीच प्रेरणादायी ठरणार आहे.