मारुती सीताराम मोरे (तात्या) यांचे दुःखद निधन.
शेंडेवाडी (कुंभारगाव), ता. पाटण येथील ज्येष्ठ नागरिक मारुती सीताराम मोरे (तात्या) यांचे सोमवार दिनांक २९ डिसेंबर २०२५ रोजी आकस्मिक निधन झाले. त्यांच्या निधनाने शेंडेवाडी व परिसरात शोककळा पसरली आहे.
मारुती मोरे हे गावात प्रेमाने ‘तात्या’ या नावाने ओळखले जात होते. अत्यंत प्रेमळ, मनमिळाऊ व समाजाभिमुख स्वभाव ही त्यांची ओळख होती. गावातील विविध सार्वजनिक, सामाजिक व सामुदायिक कामांमध्ये ते नेहमीच अग्रेसर राहत असत. कोणतेही सामाजिक कार्य असो किंवा गावातील अडचणी — तात्या नेहमी पुढाकार घेऊन मदतीसाठी उभे राहत, त्यामुळे ते सर्वांच्या जिव्हाळ्याचे बनले होते.
त्यांच्या साधेपणामुळे, प्रामाणिकपणामुळे व सहकार्याच्या भूमिकेमुळे ग्रामस्थांमध्ये त्यांना विशेष मान-सन्मान होता. तरुण पिढीसाठी ते मार्गदर्शक तर ज्येष्ठांसाठी विश्वासू सहकारी होते.
त्यांच्या पश्चात मुलगा, सून, नातवंडे असा परिवार आहे. त्यांच्या अकस्मात जाण्याने मोरे कुटुंबावर दुःखाचा डोंगर कोसळला या दुःखद प्रसंगी, मोरे कुटुंबीयांना हे अपार दुःख सहन करण्याची शक्ती परमेश्वर देवो व दिवंगत आत्म्यास चिरशांती लाभो, हीच ईश्वरचरणी प्रार्थना.
रक्षाविसर्जन विधी उद्या 31 डिसेंबर 2025 रोजी वैकुंठधाम शेंडेवाडी कुंभारगाव तालुका पाटण येथे सकाळी नऊ वाजता होईल.
कोणत्याही टिप्पण्या नाहीत:
टिप्पणी पोस्ट करा