*क्षत्रिय धारपवार चॅरिटेबल संस्थेच्या वतीने २०२६ दिनदर्शिकेचे भव्य प्रकाशन.*

क्षत्रिय धारपवार चॅरिटेबल संस्थेच्या वतीने २०२६ दिनदर्शिकेचे भव्य प्रकाशन.

कुठरे पवारवाडी :
क्षत्रिय धारपवार चॅरिटेबल संस्थेच्या वतीने दरवर्षीप्रमाणे यंदाही सन २०२६ ची दिनदर्शिका पवारवाडी गावातील ग्रामस्थांच्या सहभागातून अत्यंत उत्साहात प्रकाशित करण्यात आली. धार पवार समाजातील ज्येष्ठांना मान देत तसेच बांधव-भगिनींच्या उपस्थितीत या दिनदर्शिकेचे औपचारिक अनावरण करण्यात आले.

क्षत्रिय धारपवार चॅरिटेबल संस्था ही विशेषतः पवार बांधवांच्या सामाजिक, सांस्कृतिक व ऐतिहासिक जडणघडणीसाठी स्थापन करण्यात आलेली संस्था आहे. या संस्थेच्या माध्यमातून संपूर्ण महाराष्ट्रातील धार पवार समाज एकत्र यावा, समाजात बंधुभाव वाढावा, तसेच आपले गोत्र, मूळ पुरुष, कुलदेवता व संस्कार यांची जपणूक व्हावी, हा मुख्य उद्देश आहे. याचबरोबर नव्या पिढीला समाजाचा गौरवशाली, सुसंस्कृत व लढाऊ इतिहास माहिती व्हावा, यासाठी संस्थेकडून विविध उपक्रम महाराष्ट्रभर राबविले जातात.

या उपक्रमाचाच एक भाग म्हणून कुठरे पवारवाडी येथे आयोजित कार्यक्रमात सर्व ग्रामस्थांना सन्मान देत त्यांच्या हस्ते २०२६ दिनदर्शिकेचे अनावरण करण्यात आले. हा कार्यक्रम सामाजिक ऐक्य आणि परंपरेच्या जतनाचा उत्तम आदर्श ठरला.

या वेळी कार्यक्रमाच्या अध्यक्षस्थानी सरपंच अंकुशराव पाटील होते. तसेच उद्योजक जगदीश शेठ, पंकज पवार, जगन्नाथ पवार, देवांक पवार आणि संस्थेचे सचिव अविनाश पवार यांची प्रमुख उपस्थिती होती. कार्यक्रमास मोठ्या संख्येने धार पवार बांधव व भगिनी उपस्थित होते.

कार्यक्रमाच्या शेवटी ग्रामस्थांनी क्षत्रिय धारपवार चॅरिटेबल संस्थेच्या कार्याचे कौतुक करत संस्थेचे मनःपूर्वक आभार मानले आणि समाजहितासाठी सुरू असलेल्या पुढील वाटचालीस शुभेच्छा दिल्या.