🟢मा. श्री. संजय देसाईंकडून नवनिर्वाचित नगराध्यक्ष मा.श्री.राजेंद्रसिंह यादव यांचा सत्कार.
कराड | प्रतिनिधी (साप्ताहिक कुमजाई पर्व न्यूज):
कराड नगरपरिषद निवडणुकीत जनतेतून थेट निवडून आलेले नवनियुक्त नगराध्यक्ष मा. श्री राजेंद्रसिंह यादव मेहरबान तसेच नगरसेवक मा. श्री विजयसिंह (भाऊ) यादव यांची प्रचंड मतांनी झालेल्या विजयाबद्दल शनिवारी त्यांचा सन्मान करण्यात आला.
शनिवार, दि. २७ डिसेंबर २०२५ रोजी सातारा जिल्हा राष्ट्रवादी काँग्रेस पार्टीचे कार्याध्यक्ष, सातारा जिल्हा परिषदेचे माजी शिक्षण, अर्थ व क्रीडा सभापती तसेच विद्यमान जिल्हा नियोजन समितीचे सदस्य मा. श्री संजय देसाई साहेब यांनी दोघांची भेट घेत बुके देऊन भावी वाटचालीसाठी मनःपूर्वक शुभेच्छा दिल्या.
यावेळी बोलताना संजय देसाई साहेब म्हणाले की, “कराड नगरपरिषदेत युवक नेतृत्वाला मिळालेली संधी ही शहराच्या विकासासाठी नवी दिशा देणारी आहे. लोकनियुक्त नगराध्यक्ष व नगरसेवकांच्या माध्यमातून कराडचा सर्वांगीण विकास घडेल, असा विश्वास आहे.”
नगराध्यक्ष राजेंद्रसिंह यादव यांनी नागरिकांनी दिलेल्या भरभरून पाठिंब्याबद्दल आभार व्यक्त करत, “कराड शहराच्या विकासासाठी पारदर्शक, गतिमान व लोकाभिमुख प्रशासन देण्याचा प्रामाणिक प्रयत्न केला जाईल,” असे सांगितले. नगरसेवक विजयसिंह यादव यांनीही शहराच्या मूलभूत सुविधांवर भर देत सर्वसामान्य नागरिकांच्या प्रश्नांसाठी सदैव उपलब्ध राहण्याची ग्वाही दिली.
या भेटीदरम्यान शहरातील राजकीय, सामाजिक कार्यकर्ते व पदाधिकारी उपस्थित होते.
कोणत्याही टिप्पण्या नाहीत:
टिप्पणी पोस्ट करा