📰 धामणी ग्रामपंचायतीत मुख्यमंत्री समृद्ध पंचायत राज अभियानांतर्गत भव्य कार्यक्रम 📰
कुमजाई पर्व प्रतिनिधी मनोज सावंत -
पाटण तालुक्यातील धामणी ग्रामपंचायतीत मुख्यमंत्री समृद्ध पंचायत राज अभियान अंतर्गत दिनांक 3 नोहेबर रोजी भव्य कार्यक्रम पार पडला. या कार्यक्रमास माननीय गटविकास अधिकारी सौ. सरिता पवार मॅडम, गटशिक्षणाधिकारी बोरकर मॅडम, विस्तार अधिकारी श्री. दवंडे साहेब, तसेच धामणी ग्रामपंचायत सरपंच सौ. शितल पाटील मॅडम, उपसरपंच श्री. अविनाश गुरव, ग्रामपंचायत सदस्य श्री. रमेश सवादेकर, सौ. आशाताई नेर्लेकर, सौ. लक्ष्मी चव्हाण, सौ. सुजाता पवार, ग्रामपंचायत अधिकारी श्री. किसन रोंगटे अण्णासाहेब, शाखा अभियंता श्री. संदीप पाटील, तालुका संगणक समन्वयक श्री. महेश आमले, घरकुल विभागाचे श्री. प्रतीक पाटील, अंगणवाडी सुपरवायझर सौ. गरुड मॅडम, आरोग्य सेवक श्री. युवराज शेवाळे, जि. प. शाळेच्या मुख्याध्यापक सौ. राधा पाटील मॅडम, शाळा व्यवस्थापन समिती अध्यक्ष श्री. मनोज सावंत, अंगणवाडी सेविका, आशा सेविका, कृषी सखी सौ. कविता कुराडे मॅडम, बचत गट अध्यक्ष, सचिव व इतर महिला सदस्य, तसेच कुंभारगाव ग्रामपंचायत अधिकारी श्री. घोडे अण्णासाहेब, श्री. शामराव पुजारी सर, संगणक परिचालक सौ. सविता दिंडे मॅडम, सर्व कर्मचारी व ग्रामस्थ मोठ्या संख्येने उपस्थित होते.
कार्यक्रमाची सुरुवात ग्रामपंचायत कार्यालयातील सीसीटीव्ही कॅमेऱ्यांचे उद्घाटन करून करण्यात आली. त्यानंतर माननीय पवार मॅडम यांनी ग्रामस्थांना मुख्यमंत्री समृद्ध पंचायत राज अभियानाबाबत सविस्तर मार्गदर्शन केले, तसेच ग्रामपंचायत दप्तर तपासणी, मॉडर्न शाळेची पाहणी करून शैक्षणिक सुविधा तपासल्या.
त्यानंतर घरकुल योजनेअंतर्गत भूमिपूजन व गृहप्रवेश कार्यक्रम संपन्न झाला. या वेळी विविध विषयांवर ग्रामपंचायतीत चर्चा करण्यात आली.
संपूर्ण कार्यक्रम अत्यंत उत्साहात पार पडला असून ग्रामस्थांनी यामध्ये सक्रिय सहभाग नोंदविला.
कोणत्याही टिप्पण्या नाहीत:
टिप्पणी पोस्ट करा