उद्या पाटणमध्ये सासपडे घटनेविरोधात ‘जोडे मारो आंदोलन’;

उद्या पाटणमध्ये सासपडे घटनेविरोधात ‘जोडे मारो आंदोलन’; पाटण (साप्ताहिक कुमजाई पर्व न्यूज प्रतिनिधी): सासपडे येथे अल्पवयीन मुलीसोबत घडलेल्या संतापजनक घटनेच्या निषेधार्थ माहेर महिला आधार केंद्र, पाटण व समस्त भगिनींच्या वतीने ‘जोडे मारो आंदोलन’चे आयोजन करण्यात आले आहे. ही केवळ निषेध सभा नसून, अन्यायाविरुद्ध जनआक्रोश व्यक्त करण्यासाठी चपलेने खेद व्यक्त करण्याचा निर्णय घेतला आहे. या धक्कादायक घटनेने संपूर्ण समाजाला हादरवून सोडले आहे. "निष्पाप मुलीवर अन्याय करणाऱ्या हरामखोरास केवळ शिक्षा नव्हे, तर फाशीच झाली पाहिजे," असा संतप्त सूर महिलांच्या या आंदोलनात उमटतो आहे. बुधवार, दि. १५ ऑक्टोबर २०२५ रोजी सकाळी १० वाजता झेंडा चौक, पाटण येथे हे आंदोलन होणार आहे. पाटण शहरातील व परिसरातील सर्व बंधू-भगिनींनी या आंदोलनात मोठ्या संख्येने सहभागी व्हावे, असे आवाहन आयोजक  विद्या म्हासुर्णेकर यांनी केले आहे. 

 आवाहनकर्त्या: विद्या म्हासुर्णेकर (माहेर महिला आधार केंद्र, पाटण) 📞 संपर्क: ९१३०३७५२०९