कोरोनामुळे यादववाडी येथे होणारी जोतिर्लिंग यात्रा यंदाच्या वर्षीही रद्द

कोरोनामुळे यादववाडी येथे होणारी जोतिर्लिंग यात्रा यंदाच्या वर्षीही रद्द

गेल्या वर्षभरापासून कोरोनाने देशात कहर केला आहे. गेल्या वर्षी कोरोनाच्या प्रादुर्भावामुळे अनेक सण उत्सव रद्द करण्यात आले होते.

तर राज्यात यात्रा उत्सव देखील रद्द करण्यात आले होते. हीच परंपरा यंदाच्या वर्षीही कायम असल्याचे चित्र दिसून येत आहे. यंदाच्या वर्षी कोरोनाचे संकट कायम आहे.

त्यातच यंदाच्या वर्षीचे कोरोनाचा कहर जरा जास्तच असल्याने प्रशासनाकडून अत्यंत सावधानतेने पाऊले उचलली जात आहे, यातच पाटण तालुक्यातील यादववाडी (ग्रामपंचायत चिखलेवाडी) गावच्या जोतिबाची यात्रा सलग दुसऱ्या वर्षी रद्द करण्यात आला आहे.

दरवर्षी होणारे सर्व कार्यक्रम रद्द करण्यात आले असून, मंदिर भाविकांसाठी बंद असणार आहे.यावर्षी सोमवार, दि.26 एप्रिल आणि मंगळवार दि.27 एप्रिल रोजी होणारी यात्रा रद्द करण्यात आली आहे अशी माहिती जोतिर्लिंग यात्रा कमिटी,श्री जोतिर्लिंग नवतरुण गणेश मंडळ ग्रामस्थ मंडळ यादववाडी यांनी दिली.भाविकांनी मंदिर परिसरात गर्दी न करण्याचे आवाहन करण्यात आले आहे.