पिंपळगाव रोठा ता.पारनेर येथे महाशिवरात्री उत्सव मोठ्या उत्साहात साजरा

पारनेर, 21 फेब्रुवारी - शिवाच्या नामाने जीवनाचे कल्याण होते. धर्म टिकला, संस्कार टिकला तरच आपण टिकणार आहोत. लंकाधिपती रावण म्हणत संसार चांगला, परमार्थ वाईट, संत तुकाराम म्हणत परमार्थ चांगला.पण संसार वाईट,नाथ महाराज म्हणत संसार चांगला,परमार्थही चांगला तर सामान्य मनुष्य म्हणतो परमार्थ वाईट व संसारही वाईट म्हणून प्रत्येक ठिकाणी परमार्थ पाहावा, असे प्रतिपादन ह.भ.प.शारदा सूर्यवंशी यांनी केले.

श्री त्र्यंबकेश्वर महादेव देवस्थान पिंपळगाव रोठा ता.पारनेर येथे महाशिवरात्री उत्सव मोठ्या उत्साहात साजरा झाला महाशिवरात्री निमित्त परिसरातील हजारो भाविकांनी महादेवाचे दर्शन घेत विविध धार्मिक कार्यक्रमांचा लाभ घेतला.येथील देवस्थान पुरातन असुन सुर्याचे पहिले किरण येथील पिंडीवर पडतात.सकाळी ६ वाजता महादेवाची पूजा अभिषेक आरती झाल्यानंतर सकाळी १० वाजता कोरठण देवस्थानचे अध्यक्ष अॅड.पांडुरंग गायकवाड यांच्या मातोश्री उल्हासाबाई गायकवाड यांच्या स्मरणार्थ ह.भ.प. शारदा सूर्यवंशी यांचे शिवभक्ती महिमा यावर किर्तन झाले