मानेगाव | १५ ऑगस्ट २०२६ :
स्वातंत्र्यदिनाच्या अभिमानाच्या पर्वावर मानेगावच्या शिरपेचात आणखी एक मानाचा तुरा खोवला गेला आहे. मानेगाव, ता. पाटण, जि. सातारा येथील सुपुत्र श्री. संभाजी रामचंद्र साळुंखे यांना त्यांच्या उल्लेखनीय शासकीय सेवेसाठी ‘अतिउत्कृष्ट सेवापदक’ प्रदान करण्यात आले.
श्री. साळुंखे हे Anti-Corruption Bureau (ACB), मुंबई येथे Assistant Sub Inspector म्हणून कार्यरत आहेत. कर्तव्य बजावताना दाखवलेली निष्ठा, प्रामाणिकपणा आणि उत्कृष्ट कामगिरी याची दखल घेत भारत सरकारच्या गृह मंत्रालयातर्फे त्यांचा या प्रतिष्ठेच्या सन्मानाने गौरव करण्यात आला.
स्वातंत्र्यदिनाच्या दिवशी मिळालेला हा सन्मान विशेष ठरला आहे. एका छोट्याशा गावातून पुढे येत शासकीय सेवेत आपल्या कर्तृत्वाची छाप उमटवणाऱ्या मानेगावच्या या सुपुत्राच्या यशाने गावकऱ्यांच्या आनंदात आणि अभिमानात भर पडली आहे.
गावच्या मातीत रुजलेली मूल्ये आणि सेवेतून मिळवलेला राष्ट्रीय सन्मान—हीच मानेगावच्या सुपुत्राच्या कर्तृत्वाची खरी ओळख!
श्री. संभाजी रामचंद्र साळुंखे यांच्या या गौरवास्पद कामगिरीबद्दल मानेगावकरांकडून मनःपूर्वक अभिनंदन आणि पुढील सेवेसाठी हार्दिक शुभेच्छा दिल्या आहेत.
कोणत्याही टिप्पण्या नाहीत:
टिप्पणी पोस्ट करा