सातारा : मंद्रुळकोळे जिल्हा परिषद गटाच्या सदस्या कु. मृणाल महेश पाटील यांची सातारा जिल्हा परिषदेच्या महिला व बाल कल्याण समिती सदस्यपदी बिनविरोध निवड झाल्याने संपूर्ण परिसरात आनंदाचे व उत्साहाचे वातावरण निर्माण झाले आहे.
त्यांच्या निवडीबद्दल सातारा जिल्ह्याचे पालकमंत्री तथा पर्यटन, खनिकर्म व माजी सैनिक कल्याण मंत्री मा. शंभूराज देसाई साहेब, युवा नेते रविराज देसाई (दादा) तसेच लोकनेते बाळासाहेब देसाई सहकारी साखर कारखान्याचे चेअरमन यशराज दादा देसाई यांनी अभिनंदन करून पुढील कार्यासाठी शुभेच्छा दिल्या.
कु. मृणाल पाटील या तरुण, अभ्यासू आणि जनतेच्या प्रश्नांवर तत्परतेने काम करणाऱ्या लोकप्रतिनिधी म्हणून ओळखल्या जातात. त्यांच्या निवडीमुळे महिला व बाल कल्याण क्षेत्रात अधिक प्रभावीपणे काम होण्याची अपेक्षा व्यक्त होत आहे. विशेषतः ग्रामीण भागातील महिलांचे सक्षमीकरण, त्यांच्या आरोग्य, शिक्षण व स्वावलंबनासाठी विविध योजना प्रभावीपणे राबवण्यास गती मिळेल, असा विश्वास व्यक्त केला जात आहे.
मंद्रुळकोळे जिल्हा परिषद गटातील महिलांच्या अनेक प्रलंबित समस्या सोडवण्यासाठी तसेच त्यांच्या हक्कांसाठी भक्कम आवाज मिळणार असल्याचे मत स्थानिक नागरिकांनी व्यक्त केले. महिलांच्या सबलीकरणासाठी नवीन उपक्रम राबवून विकासाला चालना देण्याचा निर्धारही मृणाल पाटील यांनी व्यक्त केला आहे.
या निवडीमुळे सातारा जिल्ह्यातील महिला व बाल कल्याण क्षेत्राला नवसंजीवनी मिळणार असून त्यांच्या कामकाजाकडे सर्वांचे लक्ष लागले आहे.
कोणत्याही टिप्पण्या नाहीत:
टिप्पणी पोस्ट करा