ढेबेवाडी पोलीस ठाणे हद्दीत निवडणूक पार्श्वभूमीवर रूट मार्च.

ढेबेवाडी पोलीस ठाणे हद्दीत निवडणूक पार्श्वभूमीवर रूट मार्च

जिल्हा परिषद व पंचायत समिती निवडणूक २०२६ च्या पार्श्वभूमीवर तसेच कायदा व सुव्यवस्था अबाधित राखण्याच्या अनुषंगाने आज दिनांक ०५ फेब्रुवारी २०२६ रोजी सकाळी ११.३० ते दुपारी १.३० वाजेपर्यंत ढेबेवाडी पोलीस ठाणे हद्दीत रूट मार्चचे आयोजन करण्यात आले. सदर रूट मार्च ढेबेवाडी पोलीस ठाणे कार्यक्षेत्रातील मंद्रूलकोळे, ढेबेवाडी बाजारपेठ, मालदन, तळमावले बाजारपेठ व कुंभारगाव या गावांमधून काढण्यात आला. निवडणुकीच्या काळात नागरिकांमध्ये सुरक्षिततेची भावना निर्माण करणे, कायदा व सुव्यवस्थेबाबत जनजागृती करणे तसेच कोणताही अनुचित प्रकार घडू नये यासाठी प्रतिबंधात्मक उपाययोजना म्हणून हा रूट मार्च घेण्यात आला. या रूट मार्चमध्ये ढेबेवाडी पोलीस ठाण्याचे २ पोलीस अधिकारी, ०७ पोलीस अंमलदार तसेच ४० होमगार्ड जवान सहभागी झाले होते. रूट मार्च दरम्यान नागरिकांशी संवाद साधण्यात आला व शांतता व सहकार्य राखण्याचे आवाहन करण्यात आले. पोलीस प्रशासनाकडून निवडणूक प्रक्रिया शांततेत, पारदर्शक व निर्भय वातावरणात पार पडावी यासाठी आवश्यक ती सर्व खबरदारी घेण्यात येत असल्याचे यावेळी स्पष्ट करण्यात आले.