🚨 कराड हादरले! मुंढे गावात बांगलादेशी घुसखोरांचा भांडाफोड; तिघांना अटक, एक अल्पवयीन ताब्यात 🚨
कराड : सातारा जिल्ह्यातील कराडलगतच्या मुंढे गावात बांगलादेशी घुसखोरांचा मोठा पर्दाफाश झाला असून कराड शहर गुन्हे प्रकटीकरण शाखेच्या पथकाने धाडसी कारवाई करत तिघा बांगलादेशी नागरिकांना अटक केली आहे. तर एका अल्पवयीन मुलालाही ताब्यात घेण्यात आले आहे.
ही कारवाई कराड पोलिसांच्या सतर्कतेमुळे शक्य झाली असून परिसरात एकच खळबळ उडाली आहे.
🔎 कसा लागला मागोवा?
सध्या देशभर बेकायदेशीररित्या वास्तव्य करणाऱ्या बांगलादेशी नागरिकांविषयी मोठी चर्चा सुरू असताना कराड पोलिसांना गोपनीय माहिती मिळाली की मुंढे येथील सह्याद्री रेसिडेन्सी या इमारतीत काही संशयित परदेशी नागरिक राहत आहेत.
पोलीस उपाधीक्षक राजश्री पाटील व पोलीस निरीक्षक दत्तात्रय दराडे यांच्या मार्गदर्शनाखाली गुन्हे प्रकटीकरण शाखेचे पोलीस उपनिरीक्षक निखिल मगदूम यांनी पथकासह तात्काळ धाड टाकली. चौकशीत बिलाल सलालउद्दीन मोल्ला याच्यासह तिघे जण गेल्या सहा महिन्यांपासून येथे राहत असल्याचे उघड झाले.
📌 मुंबईतून बनावट आधारकार्ड तयार
कसून चौकशीत धक्कादायक माहिती समोर आली.
या घुसखोरांनी मुंबईत बनावट पत्त्याचे आधारकार्ड तयार करून घेतल्याची कबुली दिली. कोणतीही वैध कागदपत्रे नसताना त्यांनी भारत-बांगलादेश सीमेवरून बेकायदेशीर मार्गाने भारतात प्रवेश केल्याचे स्पष्ट झाले.
अटक करण्यात आलेल्या नागरिकांची नावे:
- बिलाल सलालउद्दीन मोल्ला
- आयेशा अदिल शेख
- नसरिन अब्दुलसालाय मोल्ला
(सर्व मूळ रहिवासी – बांगलादेश)
⚖️ आश्रय देणाऱ्यावरही गुन्हा
या बांगलादेशी नागरिकांना राहण्यासाठी जागा उपलब्ध करून देणारा करण बापू कांबळे (वय 29) याच्यावरही कराड शहर पोलिस ठाण्यात गुन्हा दाखल करण्यात आला आहे.
बेकायदेशीररित्या देशात प्रवेश करून बनावट कागदपत्रांच्या आधारे वास्तव्य करणे हा गंभीर गुन्हा असून संबंधितांवर कठोर कारवाई होणार असल्याचे पोलिसांकडून स्पष्ट करण्यात आले आहे.
🚔 कराड पोलिसांची सतर्कता कौतुकास्पद
या कारवाईमुळे कराड शहर आणि परिसरात मोठी खळबळ उडाली आहे. स्थानिक नागरिकांमध्ये सुरक्षेबाबत प्रश्नचिन्ह उपस्थित झाले असून पोलिसांनी अशा कारवाया पुढेही सुरू राहणार असल्याचे संकेत दिले आहेत.
देशाच्या सुरक्षेच्या दृष्टीने ही कारवाई अत्यंत महत्त्वाची मानली जात आहे.
कोणत्याही टिप्पण्या नाहीत:
टिप्पणी पोस्ट करा