तळमावले - संत निरंकारी मिशन मार्फत ग्रामीण रुग्णालय येथे स्वच्छता.

तळमावले 24.02.2026 संत निरंकारी मिशनमार्फत प्रोजेक्ट अमृत स्वच्छ जल स्वच्छ मन अंतर्गत ग्रामीण रुग्णालय ढेबेवाडी या ठिकाणी स्वच्छता करण्यात आली. यावेळी डॉ. राजेंद्र यादव , डॉ. सौरभ खोडके, ढेबेवाडी ग्रामपंचायतिच्या सरपंच रुपाली पाटील, उपसरपंच अभिजित कडव, आण्णा कारंडे, संत निरंकारी मिशन प्रचारक दीपक कणसे, ढेबेवाडी ब्रँच मुखी उषाताई दिंडे, सेवादल इन्चार्ज अभिजित देशमुख, वनिता बडेकर यांच्यासह ग्रामीण रुग्णालय कर्मचारी व संत निरंकारी मिशन अनुयायी यांची उपस्थिती होती. डॉ. राजेंद्र यादव म्हणाले की संत निरंकारी मंडळाचे कार्य कौतुकास्पद आहे. सद्गुरूंच्या शिकवणीतून सर्व अनुयायी स्वयंप्रेरनेने मनोभावे सेवा करत आहेत. ही केलेली सेवा अतिशय चांगल्या पद्धतीने केली गेली आहे. संत निरंकारी मंडळ ब्रँच ढेबेवाडी च्या सर्व सदस्यांनी ग्रामीण रुग्णालयाच्या बाजूचा सर्व परिसर स्वच्छ केल्यानंतर दिपक कणसे यांच्या प्रमुख उपस्थितीमध्ये सत्संग कार्यक्रम संपन्न झाला. सदर अभियानास ग्रामपंचायत ढेबेवाडी व ग्रामीण रुग्णालय ढेबेवाडी यांचे विशेष सहकार्य लाभले. कार्यकामाचे सूत्रसंचलन गोपी जाधव यांनी केले तर आभार उषाताई दिंडे यांनी मानले.