शिंदेवाडी येथे नवनिर्वाचित प्रतिनिधींचा भव्य सत्कार सोहळा उत्साहात.

 शिंदेवाडी येथे नवनिर्वाचित प्रतिनिधींचा भव्य सत्कार सोहळा उत्साहात.

दिनांक – 15 फेब्रुवारी 2026 शिंदेवाडी, चोरगेवाडी व आंबवडे परिसरात नवनिर्वाचित जिल्हा परिषद सदस्या कु. मृणाल महेश पाटील आणि पंचायत समिती सदस्या सौ. संपदा संदीप जाधव यांचा भव्य सत्कार सोहळा मोठ्या उत्साहात पार पडला. ढोल-ताशांच्या गजरात आणि कार्यकर्त्यांच्या जल्लोषात हा सोहळा संपन्न झाला.

सत्कारावेळी बोलताना कु. मृणाल पाटील यांनी भावना व्यक्त करताना सांगितले की, “ही जिल्हा परिषद निवडणूक सोपी नव्हती. माझ्या विरोधात तगड्या उमेदवार होत्या. मात्र या भागात पालकमंत्री ना. श्री. शंभूराज देसाई साहेबांनी केलेल्या विकासकामांमुळे मतदारांनी विकासाला कौल देत मला आणि आमच्या गटातील दोन्ही उमेदवारांना भरघोस मतांनी विजयी केले.”

त्यांनी पुढे सांगितले की, श्री. रविराज देसाई दादा, कारखान्याचे चेअरमन श्री. यशराज देसाई दादा यांच्या मार्गदर्शनाखाली तसेच त्यांचे वडील श्री. महेश पाटील साहेब यांच्या व्यापक जनसंपर्कामुळे ही निवडणूक सुलभ झाली. “आपण मला निवडून दिल्याबद्दल मी सर्व मतदारांचे मनःपूर्वक आभार व्यक्त करते आणि आपल्या विश्वासाला पात्र ठरण्याचा पूर्ण प्रयत्न करेन,” असेही त्यांनी नमूद केले.

या प्रसंगी उद्योजक महेश पाटील साहेब, मनोज मोहिते बापू, शिवाजीराव शेवाळे आण्णा, जयवंत जानुगडे तात्या, विकास गिरीगोसावी, सुरेश सपकाळ, विक्रम जगदाळे, संदीप जाधव, लोकनियुक्त सरपंच मनोज पाटील, एकनाथराव जाधव, नाना साबळे, अतुल कंक, राजेंद्र हनबर, माजी सरपंच कृष्णात सुर्वे तसेच आंबवडे गावचे सरपंच, सदस्य आणि मोठ्या संख्येने कार्यकर्ते उपस्थित होते.