पाटणवर ‘शंभूराज देसाई पॅटर्न’ची सत्ता! पाटणकर गटाचा बालेकिल्ला जमीनदोस्त – शिवसेनेचा एकतर्फी भगवा फडकला
पाटण :साप्ताहिक कुमजाई पर्व न्यूज.
पाटण तालुक्यातील जिल्हा परिषद व पंचायत समिती निवडणुकीच्या रणधुमाळीत शिवसेनेचा ‘शंभूराज देसाई पॅटर्न’ अक्षरशः फुल्ल चालला असून, पाटणकर गटाचा राजकीय सुपडा साफ झाल्याचे चित्र स्पष्टपणे समोर आले आहे. तालुक्याच्या राजकीय इतिहासात प्रथमच पाटणकरांच्या तथाकथित बालेकिल्ल्याला सुरुंग लागला असून, जनतेने निर्णायक कौल देत पालकमंत्री यांच्या नेतृत्वावर शिक्कामोर्तब केले आहे.
७ जिल्हा परिषद गटांपैकी ६ गटांवर शिवसेना–देसाई गटाने मोठ्या फरकाने विजय मिळवला, तर भाजप–पाटणकर गटाला केवळ म्हावशी गटात कसाबसा विजय मिळवावा लागला. पंचायत समितीच्या १४ गणांपैकी १३ गणांवर मंत्री शंभूराज देसाई गटाचा भगवा फडकला, तर भाजपला फक्त एका म्हावशी गणावर समाधान मानावे लागले. हा निकाल म्हणजे पाटण तालुक्यातील सत्तासमीकरणांवरचा थेट ‘जनतेचा स्ट्राईक’ मानला जात आहे.
भाजपमध्ये प्रवेशानंतर पाटणकर गट मंत्री देसाई यांची घोडदौड रोखेल, अशी अपेक्षा होती. मात्र प्रत्यक्षात देसाई गटाची वज्रमुठ अधिकच घट्ट झाली. या निवडणुकीत भाजपकडून , , यांच्यासह अनेक दिग्गज नेते प्रचारासाठी मैदानात उतरले होते. त्यामुळे जोरदार टक्कर अपेक्षित होती; पण पाटणकर जनतेने भाजपला स्पष्ट नकार देत देसाई यांच्या पाठीशी ठाम उभे राहण्याचा निर्णय घेतला.
या निकालानंतर पाटण तालुक्यात विजयाचा गुलाल, ढोल-ताशे आणि जल्लोष उसळला. कार्यकर्त्यांमध्ये प्रचंड उत्साह पाहायला मिळाला. हा विजय केवळ संख्याबळाचा नाही, तर विकास, कामगिरी आणि नेतृत्वावर विश्वास दाखवणारा जनादेश आहे, असे राजकीय जाणकारांचे मत आहे.
थोडक्यात, पाटणमध्ये सत्ता बदलली नाही—ती अधिक भक्कम झाली; आणि ‘शंभूराज देसाई पॅटर्न’ने तालुक्याच्या राजकारणात नवा अध्याय लिहिला.
कोणत्याही टिप्पण्या नाहीत:
टिप्पणी पोस्ट करा