🗳️ मुंद्रुळकोळे–सणबूर गणात शिवसेना–आरपीआय आघाडीचा प्रचार जोरात.
बौद्ध वस्तीत निर्धार सभा : 7 फेब्रुवारीला धनुष्यबाणावर मत देण्याचे आवाहन.
बुधवार, दि. 28/01/2026 रोजी मुंद्रुळकोळे जिल्हा परिषद गट व पंचायत समिती सणबूर–मुंद्रुळकोळे गणातील शिवसेना–आरपीआय व मित्र पक्षांचे अधिकृत उमेदवार कु. मृणाल महेश पाटील (जिल्हा परिषद), नितीन काळे (पंचायत समिती) तसेच सणबूर पंचायत समितीच्या उमेदवार सौ. संपदा संदीप जाधव यांच्या प्रचारार्थ दिवशी बुद्रुक, अंबवडे खुर्द व जानुगडेवाडी येथील बौद्ध वस्तीत भव्य बैठक आयोजित करण्यात आली.
या बैठकीत उपस्थितांनी पालकमंत्री यांच्या नेतृत्वाखाली जिल्हा परिषद व पंचायत समितीचे उमेदवार प्रचंड बहुमताने निवडून आणण्याचा ठाम निर्धार व्यक्त केला. विकासाभिमुख राजकारण, सामाजिक न्याय आणि स्थानिक प्रश्नांच्या प्रभावी पाठपुराव्यामुळे या विभागात ला मोठा पाठिंबा मिळत असल्याचे चित्र दिसून आले.
बैठकीत पाटण तालुका डॉ. बाबासाहेब आंबेडकर विचार मंच संघटनेचे उपाध्यक्ष मा. आप्पासाहेब मगरे, रयत विद्यार्थी विचार मंच सातारा जिल्हा उपाध्यक्ष चि. प्रतीक मगरे, आंबेडकर विचार मंचचे अमित सोनवणे, शशिकांत गवळी, अभिषेक गवळी, विश्वास थोरात, सुनील थोरात, गजानन थोरात आदी प्रमुख कार्यकर्ते उपस्थित होते. बौद्ध समाजातील ग्रामस्थ व महिलांची उपस्थिती विशेष उल्लेखनीय ठरली.
यावेळी बोलताना मा. आप्पासाहेब मगरे यांनी स्पष्ट केले की, “या भागात शिवसेना–आरपीआय आघाडीला भक्कम जनसमर्थन मिळत आहे. त्यामुळे येथील विजय स्पष्टपणे दिसत आहे. 7 फेब्रुवारी रोजी धनुष्यबाण या चिन्हासमोरील बटन दाबून आपले बहुमूल्य मत देत उमेदवारांना भरीव बहुमताने विजयी करा.”
एकूणच, मुंद्रुळकोळे–सणबूर गणात प्रचाराला आक्रमक धार मिळाली असून, बौद्ध वस्त्यांतील उत्स्फूर्त प्रतिसादामुळे आघाडीचा आत्मविश्वास दुणावला आहे.
कोणत्याही टिप्पण्या नाहीत:
टिप्पणी पोस्ट करा