नवी मुंबई दिवाळी बोनस व पगारवाडीसाठी ( NMMT ) कंत्राटी बस चालकांचा ठिय्या आंदोलन. दिवाळी बोनस आणि पगारवाढ न झाल्याने संताप!

📰नवी मुंबई - नवी मुंबई दिवाळी बोनस व पगारवाडीसाठी ( NMMT ) कंत्राटी बस चालकांचा ठिय्या आंदोलन. दिवाळी बोनस आणि पगारवाढ न झाल्याने संताप!

नवी मुंबई : नवी मुंबई महानगरपालिका परिवहन उपक्रम (NMMT) अंतर्गत काम करणाऱ्या कंत्राटी चालक-कामगारांनी आज तुर्भे आगारात ठिय्या आंदोलन सुरू केले आहे. हंसा सिटी बस या ठेकेदार कंपनीअंतर्गत कार्यरत चालकांना दिवाळी बोनस न देणे आणि पगारवाढ न करणे या कारणामुळे संताप व्यक्त करत हे आंदोलन उभारण्यात आले आहे. कामगारांनी सांगितले की, अनेक वर्षांपासून ते कंत्राटी तत्त्वावर सेवेत असूनही दरवर्षी दिवाळी बोनस आणि योग्य पगारवाढ मिळत नाही. ठेकेदार कंपनीकडून वारंवार आश्वासन दिले गेले, परंतु अद्याप कोणतीही ठोस कारवाई झालेली नाही. त्यामुळेच आजपासून त्यांनी तुर्भे आगारात ठिय्या आंदोलन सुरू केले आहे. कामगार संघटनेच्या प्रतिनिधींनी इशारा दिला आहे की, आज तोडगा निघाला नाही तर हे आंदोलन बेमुदत सुरू राहणार आहे. या आंदोलनामुळे काही बससेवा विस्कळीत होण्याची शक्यता वर्तवली जात आहे. प्रशासन आणि ठेकेदार कंपनीकडून अद्याप अधिकृत प्रतिसाद मिळालेला नाही. मात्र, दिवाळीच्या पार्श्वभूमीवर सुरू झालेले हे आंदोलन नवी मुंबईतील सार्वजनिक वाहतूक व्यवस्थेवर परिणाम करू शकते, अशी शक्यता व्यक्त होत आहे.