ढेबेवाडी : विनाकारण रस्त्यावर फिरणाऱ्याची जागेवरच कोरोना टेस्ट ढेबेवाडी पोलिसांची बेधडक कारवाई
ढेबेवाडी / मनोज सावंत
ढेबेवाडी : परिसरात कोरोनाचा वाढता प्रादुर्भाव रोखण्यासाठी शासनाने जाहीर केलेल्या संचारबंदीमधे विनाकारण रस्त्यावर फिरणाऱ्या बेफिकीर नागरिकांच्यावर आता धडक कारवाई सुरू केली असून रस्त्यावर सापडेल तिथे कोरोना टेस्ट केली जात आहे. कोरोना पॉझिटिव्ह सापडल्यास दंडात्मक कारवाई करून डायरेक्ट कोविड सेंटरला रवाना, तर निगेटिव्ह सापडल्यास दंड होणार आहे आज शुक्रवार दि.23 पासून याची सुरवात केली आहे केवळ तासाभरातच 70 नागरिकांवर कारवाई करण्यात आली आहे.त्यामधील 4 जणांचा रिपोर्ट कोरोना बाधित आल्याने खळबळ उडाली आहे.
प्रशासनाच्या या कारवाईवर सर्वसामान्य नागरिकांनी समाधान व्यक्त केले असून अशीच कडक भूमिका प्रशासनाने राबवावी तरच विनाकारण फिरणाऱ्यांवर चाप बसेल. प्रांताधिकारी श्रीरंग तांबे यांनी नुकतीच ढेबेवाडी येथील ग्रामीण रुग्णालयातील कोरोना सेंटरची पाहणी केली त्यावेळी त्यांनी परस्थितीचा आढावा घेतला आणि सूचना दिल्या.
सापडला की डायरेक्ट कोरोना टेस्ट, पॉजिटिव्ह आला की डायरेक्ट कोरोना सेंटर, यामुळे ढेबेवाडी विभागातील नागरिकांनी घरीच बसणे पसंत करावे लागणार आहे.
निष्काळजीपणे वागणाऱ्यांच्यावर कडक कारवाई केल्याशिवाय पर्याय नाही. असे ढेबेवाडी पोलीस ठाण्याचे सपोनि.श्री संतोष पवार यांनी सांगितले.
या कारवाईत सपोनि.संतोष पवार यांच्या मार्गदर्शनाखाली हेड कॉन्स्टेबल कपिल आगलावे,अजय माने.नवनाथ कुंभार,संदेश लादे,होमगार्ड रोहित झेंडे,तानाजी डाकवे,विशाल मोरे, संकेत तडाखे, सणबुर प्राथमिक आरोग्य केंद्राचे डॉ.ए. डी.जाधव आरोग्य केंद्रातील कर्मचारी यांचा सहभागी झाले होते.
कोणत्याही टिप्पण्या नाहीत:
टिप्पणी पोस्ट करा