कोळेवाडी : विजेचा धक्का लागून वायरमन गंभीर जखमी
कोळेवाडी ता.कराड दि .30 विजेच्या खांबावर काम करीत असताना विजेचा धक्का लागून वायरमन गंभीर जखमी झाल्याची दुर्देवी घटना आणे गाव ता.कराड येथे सोमवारी सकाळी १०.३० च्या सुमारास घडली.
इंद्रजित थोरात (वय 24 रा.चचेगाव ता.कराड) असे जखमी वायरमनचे नाव आहे या घटनेची सविस्तर माहिती अशी की कोळेवाडी सबस्टेशन मधील झालेला बिघाड दुरुस्ती करण्यासाठी आणे गावातील विजेच्या खांबावर काम करायचे होते तेव्हा थोरात यांनी कोळेवाडी येथील एक फिडर बंद करून आणे येथील खांबावरती काम करीत असताना विजेचा धक्का लागला कारण ज्या खांबावर काम करायचे होते त्याच खांबावरती तांबवे सबस्टेशन येथून येणारा वीजपुरवठा चालू होता, रिंगफिडींग असल्याचे स्थानिक कर्मचाऱ्याला माहिती नसल्याने ही घटना घडली या अपघातात थोरात गंभीर जखमी झाले असून त्याना उपचारासाठी कृष्णा हॉस्पिटलमध्ये दाखल करण्यात आले आहे त्यांची प्रकृती स्थिर आहे असे डॉक्टरांनी सांगितले.
कोणत्याही टिप्पण्या नाहीत:
टिप्पणी पोस्ट करा