काळगाव :धामणीतील युवकाचा प्रामाणिकपणा आय फोन 5 केला परत
प्रतिनिधी / मनोज सावंत
धामणी ता.पाटण, दि.28 मार्च : धामणी गावातील एका युवकाचा प्रामाणिकपणा अधोरेखीत करणारा एक प्रसंग 28 मार्च रोजी सकाळी चांदोली धरण परिसरात घडला. रस्त्यात सापडलेला महागडा आय फोन 5 मोबाईल युवकाने मुळ मालकाचा शोध घेऊन त्याला परत केला. रोहित रघुनाथ पवार रा.धामणी असे या प्रामाणिक युवकाचे नाव आहे.
यासंदर्भातील मिळालेल्या माहितीनुसार रोहित पवार हे चांदोली धरण परिसरात फिरायला गेले असता तिथे रस्त्यावर एक महागडा आय फोन 5 मोबाईल पडलेला दिसला त्यांनी फोन घेतला तर तो लॉक केलेला होता त्यानंतर त्यांनी फोन खोलून सिमकार्ड काढून दुसऱ्या फोनमध्ये टाकून त्यातील नंबरवर फोन करून फोनच्या मालकाचा शोध घेतला असता फोन चे मालक विनायक पवार रा.नांदगाव ता.कराड हे असल्याचे निष्पन्न झाले,
विनायक पवार यांना कराड येथे बोलवून ओळख पटवून सदरचा मोबाईल त्यांना परत देण्यात आला रोहित पवार ह्यांच्या प्रामाणिकपणा बद्दल त्याचे परिसरात कौतुक होत आहे.
कोणत्याही टिप्पण्या नाहीत:
टिप्पणी पोस्ट करा