ज्ञानेश्वर खंडू लोखंडे हे अल्पभूधारक शेतकरी आहेत. शेतात कष्ट करून ते उदरनिर्वाह करीत होते. मंगेश हा त्यांचा मुलगा आणि कल्याणी ही मुलगी, असा त्यांचा छोटासा परिवार. मुलगा मंगेश याला मेंदूत रक्ताच्या गाठी झाल्या. त्याचा परिणाम डोळ्यांवर होऊ लागल्याने पुणे येथील एका खासगी हॉस्पिटलमध्ये उपचारासाठी त्याला दाखल केले.सुरुवातीला दोन दिवस वडील ज्ञानेश्वर लोखंडे हे मंगेशजवळ थांबून होते; परंतु डॉक्टरांनी उपचारासाठीचा खर्च तीन लाख रुपये सांगितला. आर्थिक परिस्थिती नसल्याने पैसे जमा होणे शक्य नसल्याने वडील ज्ञानेश्वर लोखंडे हे बेचैन झाले. पैशांची सोय करण्यासाठी ते वळती गावी आले. मंगेशची आई नंदा यांना पुणे येथे हॉस्पिटलमध्ये मंगेशजवळ पाठवले; पण दुसऱ्या दिवशी सकाळी नऊच्या सुमारास ज्ञानेश्वर लोखंडे यांचे हृदयविकाराने निधन झाले.
आर्थिक मदतीचे आवाहन
लोखंडे कुटुंबाला आर्थिक मदतीची गरज आहे. ग्रामस्थांनी दशक्रियेच्यावेळी वीस हजार रुपये जमवून दिले. समाजातील दानशूर व्यक्ती, संस्थांनी मदत करावी, असे आवाहन ग्रामस्थांनी केले आहे. मदतीसाठी नंदा ज्ञानेश्वर लोखंडे यांच्या युनियन बॅंक शाखेतील खाते क्रमांक 550002010013364 या खात्यावर पैसे जमा करावेत.
कोणत्याही टिप्पण्या नाहीत:
टिप्पणी पोस्ट करा