काळगाव: धामणीत कोरोनाला नो एन्ट्री : : कैतुकास्पद उपक्रम
मनोज सावंत /काळगाव
काळगाव : कोरोना विषाणूचा प्रादुर्भाव वाढत असल्यामुळे, युवा नेते व समाज सेवक विशाल पवार (भैय्या) व सरपंच आशा नेर्लेकर,उपसरपंच रमेश सवादेकर ,ग्रामसेवक भुईर अण्णा व ग्रामपंचायत सदस्य यांनी गावातील ग्रामस्थांना कोरोना विषाणूची लागण होऊ नये, तसेच गावातही कोरोनाचा प्रादुर्भाव वाढू नये यासाठी धामणी गावच्या ग्रामपंचायतीने विशाल पवार (भैय्या) यांच्या नेतृत्वाखाली एक दिवस आड संपूर्ण गावांमध्ये औषध फवारणीचा उपक्रम सुरु केलेला आहे.ही गोष्ट छोटी आहे...मात्र तितकीच डोंगराएवढी मोठी आहे. काळगाव भागातील नेहमीच आदर्श असणाऱ्या ऐतिहासिक धामणी गावात विशाल पवार यांनी स्वतः गावामध्ये स्यानिटायझरचा पंप आपल्या खांद्यावर घेऊन फवारणी करून समाजापुढे एक आदर्श ठेवला आहे .
गेल्या वर्षी धामणी येथे कोरोनाने चार नागरिकांचा बळी घेतला व गावाला कोविड परिस्थितीचा सुमारे चार महिने सामना करावा लागला त्यावेळी ज्या चुका झाल्या त्या ह्या वेळी होऊ नये यासाठी ग्रामपंचायत धामणी अग्रेसर राहणार आहे अशी माहिती त्यांनी यावेळी दिली.
कोरोना संसर्गाचा वाढता प्रादुर्भाव लक्षात घेऊन गावातील नागरिकांनी मास्क सॅनिटायझर आणि सुरक्षित अंतर ठेऊन प्रशासनाने दिलेल्या नियमांचे पालन करावे असे आवाहनही करण्यात आले आहे
कोणत्याही टिप्पण्या नाहीत:
टिप्पणी पोस्ट करा