स्वच्छ ग्राम स्पर्धेत पाटण तालुक्याचा पुन्हा डंका पाटण तालुक्यातील मान्याचीवाडी आणि कऱ्हाडमधील बनवडीने यश

सातारा  पाटण :-

राष्ट्रसंत तुकडोजी महाराज स्वच्छ ग्राम स्पर्धेत विभागामध्ये पाटण तालुक्यातील मान्याचीवाडी आणि कऱ्हाडमधील बनवडीने यश मिळविले. या दोन गावांमुळे स्वच्छतेत जिल्ह्याचा डंका पुन्हा वाजला आहे

संत गाडगेबाबा ग्रामस्वच्छता अभियानांतर्गत २०१८-१९ मध्ये राष्ट्रसंत तुकडोजी महाराज स्वच्छ ग्राम स्पर्धा घेण्यात आली होती. त्यामध्ये जिल्ह्यातील मान्याचीवाडीने विभागात द्वितीय तर बनवडीने चतुर्थ क्रमांक विभागून मिळविला आहे. या दोन्ही गावांमुळे जिल्ह्याचा नावलौकिक आणखी वाढला आहे. तर मान्याचीवाडी गावाची आता स्वच्छ ग्राम स्पर्धेंतर्गत राज्यस्तरीय स्पर्धेसाठी निवड झाली आहे.