उपमुख्यमंत्री एकनाथ शिंदेंचे विश्वासू सहकारी संतोष तोडकरांना प्रभाग २४ मधून ; समाजसेवा, दिव्यांगांचा जाहीर पाठिंबा ठरतोय ताकद!

उपमुख्यमंत्री एकनाथ शिंदेंचे विश्वासू सहकारी संतोष तोडकरांना प्रभाग २४ मधून, समाजसेवा, दिव्यांगांचा जाहीर पाठिंबा ठरतोय ताकद!

ठाणे प्रतिनिधी

महाराष्ट्राचे उपमुख्यमंत्री एकनाथजी शिंदे साहेब, ठाणे जिल्ह्याचे लोकप्रिय खासदार डॉ. श्रीकांत शिंदे साहेब तसेच पर्यटन मंत्री व सातारा जिल्ह्याचे पालकमंत्री शंभूराजे देसाई साहेब यांचे अत्यंत जवळचे सहकारी, कट्टर शिवसैनिक आणि समाजसेवक संतोष दादा तोडकर यांना ठाणे महानगरपालिका प्रभाग क्रमांक २४ (ड) मधून शिवसेनेची अधिकृत उमेदवारी जाहीर झाली आहे.

विटावा–कळवा परिसरात सामाजिक, धार्मिक व सेवाभावी कार्यातून जनतेशी घट्ट नातं जोडलेले संतोष प्रभाकर तोडकर हे नाव आज प्रभागात विश्वासाचं प्रतीक बनलं आहे. उपमुख्यमंत्री एकनाथ शिंदे साहेब यांच्या नेतृत्वावर विश्वास ठेवून सर्व प्रभागातील नागरिकांनी संतोष दादा तोडकर यांना भरघोस मतांनी विजयी करण्याचे आवाहन करण्यात येत आहे.

समाजसेवेचा भक्कम पाया

संतोष दादा तोडकर हे केवळ राजकीय कार्यकर्ते नसून खऱ्या अर्थाने जनतेचा माणूस म्हणून ओळखले जातात. गणेशोत्सव काळात दरवर्षी ५० ते ६० ट्रॅव्हल्सचे नियोजन करून पश्चिम महाराष्ट्र, कोकण व इतर भागातील भाविकांसाठी ते सेवाभाव जपत असतात.

कराड, सातारा, पाटण, सांगली, कोल्हापूर तसेच कोकण विभागातील नागरिकांना माफक दरात (मीनामूल्य) अॅम्ब्युलन्स सेवा, रुग्णांसाठी हॉस्पिटलमध्ये तातडीने रक्तपुरवठ्याची व्यवस्था, तसेच गरजू कुटुंबांना संकटाच्या काळात थेट मदत — ही त्यांची ओळख आहे.

दिव्यांग बांधवांचा जाहीर पाठिंबा

शिवसेना पक्षाचे प्रभाग क्र. २४ (ड) चे उमेदवार संतोष प्रभाकर तोडकर यांना ठाण्यातील दिव्यांग बांधवांनी जाहीर पाठिंबा दिला आहे.
धर्मवीर दिव्यांग सेनेच्या वतीने अध्यक्ष गिरीश मेहरोल व सचिव शरद पवार यांच्या उपस्थितीत हा पाठिंबा जाहीर करण्यात आला.

कोरोना महामारीच्या काळात संतोष तोडकर यांनी दिव्यांग बांधव व त्यांच्या कुटुंबीयांची विशेष काळजी घेतली. अन्नधान्य, औषधे, उपचार व इतर आवश्यक मदत वेळेवर उपलब्ध करून दिल्याने दिव्यांग बांधवांमध्ये त्यांच्याबद्दल आपुलकी व विश्वास निर्माण झाला आहे.

प्रभागातील सर्व संघटनांचा पाठिंबा

विटावा, कळवा, गणपती पाडा, आनंदनगर, वाघोबा नगर, शिवाजीनगर परिसरातील
संकल्प मित्र मंडळ, मोरया प्रतिष्ठान, फ्रेंड्स ग्रुप, शिवतेज ग्रुप, शिवशंभो प्रतिष्ठान, स्वामी समर्थ चौक मंडळ यांसह विविध सामाजिक व धार्मिक संघटनांनी संतोष दादा तोडकर यांना जाहीर पाठिंबा दिला आहे.

नागरिकांचा विश्वास, विजयाचा निर्धार

“प्रभागातील गरजू, गरीब, रुग्ण, दिव्यांग आणि सर्वसामान्य माणसाच्या पाठीशी नेहमी उभा राहणारा हा आपला हक्काचा माणूस आहे. त्यामुळे समाजसेवक संतोष तोडकर दादा यांच्या पाठीशी नागरिकांनी खंबीरपणे उभे राहणे गरजेचे आहे,” अशी भावना नागरिक व्यक्त करत आहेत.

समाजसेवा, संघटन कौशल्य आणि नेतृत्वगुणांच्या बळावर संतोष प्रभाकर तोडकर हे प्रभाग २४ मधील विजयाचे मजबूत दावेदार ठरत असल्याचे चित्र सध्या ठाण्यात पाहायला मिळत आहे.