गुप्त माहितीवरुन वन्यजीव विभागाच्या हेळवाक कार्यालयाचे वनक्षेत्रपाल संदीप जोपळे यांच्या नेतृत्वाखालील पथकाने छापा मारून नाव गावामधील सांबर प्राण्यांची शिकार उघडकीस आणली. सांबर प्राण्यांचे मांस ज्या एका घरात शिजवले जात होते. तेथील सीताराम शेंडे , विशाल पवार , अशोक विचारे, महेंद्र जगताप , आनंद विचारे ( सर्व रा .नाव ता. पाटण ) यांना अटक करून पाटण न्यायालयत हजर केले असता न्यायालयाने त्यांना तीन दिवसांची वन कोठडी दिली आहे.
दरम्यान, सह्याद्री व्याघ्र प्रकल्पाच्या बफर क्षेत्रातील खासगी जागेत अभ्यासाकरिता लावलेल्या कॅमेरा ट्रॅपमध्ये जंगलात कोअर भागात बंदूक व लाईट टॉर्च घेऊन जाणारे शिकारी हे कॅमेराबंद झाले आहेत. ह्या लोकांची नाव उघड झाल्याची चर्चा आहे, हेळवाक, नेचल परिसरातील हे लोक सर्रास शिकार करीत असल्याचे स्थानिकांचे म्हणणे आहे. नाव गावामधील सांबर शिकार प्रकरणात सामील असलेल्या एकाला त्याचा योग्य वाटा न मिळाल्याने त्याने ही खबर वन्यजीव विभागास दिली आणि हा गंभीर गुन्हा उघड झाला आहे.
सदर गुन्ह्याच्या तपासकार्यात मा.उत्तम सावंत (उपसंचालक सहयाद्री व्याघ्र राखीव) मा.तुषार ढमढेरे (स.व.सं चांदोली) यांच्या मार्गदर्शनाखाली वनक्षेत्रपाल श्री.संदीप जोपळे,वनक्षेत्रपाल ज्ञानेश्वर राक्षे,वनपाल /वनरक्षक हेळवाक सहभागी झाले होते
कोणत्याही टिप्पण्या नाहीत:
टिप्पणी पोस्ट करा