राजकीयदृष्ट्या संवेदनशील समजल्या जाणाऱ्या जाळगेवाडी ग्रामपंचायतीची पंचवार्षिक निवडणूक 2017 मध्ये झाली होती. या ग्रामपंचायतीवर गृहराज्यमंत्री शंभूराजे देसाई यांच्या गटाची एकहाती सत्ता आहे. निवडणुकी दरम्यान थेट सरपंचपदी शिवाजी काटे व सात सदस्य निवडून आले होते. यात, मागास प्रवर्गातुन प्रभाग तीन मधून बाळाराम सुतार व महिलांच्या मागास प्रवर्गातून प्रभाग दोन मधून उषाताई सुतार या निवडून आल्या होत्या. निवडून आल्यानंतर या दोन सदस्यांनी वेळेत जात पडताळणी प्रमाणपत्र प्रशासनाला सादर न केल्याने त्यांच्यावर अपात्रतेची कारवाई करण्यात आली आहे.
या ग्रामपंचायतीत सरपंच काटे यांच्यासह सर्व सदस्य ह देसाई गटाचे आहेत. या ग्रामपंचायतीत पाटणकर गटाला एकही सदस्य निवडून आणता आला नाही. त्यामुळे दोन सदस्य अपात्र ठरले तरी या ग्रामपंचायतीवर देसाई गटाचीच सत्ता राहणार आहे. असे असले तरी दोन सदस्यांवर अपात्रतेची टांगती तलवार पडल्याने राजकीय गोटात खळबळ उडाली आहे.
कोणत्याही टिप्पण्या नाहीत:
टिप्पणी पोस्ट करा