तळमावले,ता.पाटण;-महिलांसाठी खुली मतदान प्रक्रिया घ्या निवेदनाद्वारे केली जिल्हाधिकाऱ्यांकडे मागणी

पाटण : तळमाावले (ता. पाटण) येथे दारूबंदी झालेली मतदान प्रक्रिया चुकीच्या पद्धतीने राबविण्यात आली आहे. महिलांना घाबरविण्यासाठी मतदान केंद्राबाहेर शंभर एक लोक दारूविक्रेत्यांनी आणून ठेवले होते. त्यामुळे या प्रक्रियेत सहभागी झालेल्या शासकीय अधिकाऱ्यांना निलंबित करावे, तसेच महिलांसाठी खुली मतदान प्रक्रिया पुन्हा राबविण्यात यावी, अशी मागणी येथील महिला व सिताई फाउंडेशनच्या अध्यक्षा कविता कचरे यांनी निवेदनाद्वारे जिल्हाधिकाऱ्यांकडे केली आहे.

दरम्यान, या मागण्यांबाबत योग्य निर्णय न झाल्यास महिला दिनी आठ मार्चला सर्व महिला जिल्हाधिकारी कार्यालयासमोर बेमुदत उपोषणास बसणार असल्याचे निवेदनात म्हटले आहे.या वेळी दिलेल्या निवेदनात महिलांनी म्हटले, की आडव्या बाटलीसाठी काल झालेल्या मतदानात आडव्या बाटलीसाठी 282, तर उभ्या बाटलीसाठी 38 मतदान झाले, तर 23 मते बाद ठरविण्यात आली. या प्रक्रियेदरम्यान महिलांना मतदान करता येत नव्हते. कोतवालच महिलांच्या हातून चिठ्ठ्या घेऊन स्वत: बॉक्‍समध्ये टाकत होते. या प्रक्रियेत सहभागी झालेल्या अधिकाऱ्यांनी गैरवर्तणूक केली असून, त्यांच्यावर निलंबनाची कारवाई करावी. दारूबंदी मतदानाबाबत कोणत्याही प्रकारचे मार्गदर्शन पाटण तहसीलदार कार्यालयाकडून झाले नाही.ग्रामपंचायतीला दिलेली मतपत्रिका व मतदान प्रक्रियेवेळी वापरलेली मतपत्रिका यात फेरबदल करण्यात आले. मतदान प्रक्रियेदरम्यान मतदान केंद्राबाहेर दारूविक्रेत्यांनी शंभर लोक सोबत आणून महिलांना घाबरविण्याचा प्रयत्न केला. येथील महिलांनी संघर्ष करून 282 मतदान मिळविले असून, अधिकाऱ्यांनी या प्रक्रियेत गैरप्रकार केला आहे. त्यामुळे संबंधित अधिकाऱ्यांना निलंबित करावे, 

तसेच दारूबंदीसाठी पुन्हा खुली मतदान प्रक्रिया राबवावी, अशी मागणी महिलांनी केली आहे.

या निवेदनावर कविता कचरे यांच्यासह सुमन ताईगडे, मालन ताईगडे, सीमा ताईगडे, विमल लकडे, सुजाता ताईगडे, मनीषा ताईगडे,भारती ताईगडे, रूपाली ताईगडे, विमल ताईगडे, छाया काटकर, छाया ताईगडे,सुनीता भुलूगडे, तारूबाई ताईगडे, वनिता ताईगडे, प्रियांका ताईगडे, यांनी सह्या केल्या आहेत