एप्रिलमध्ये होणाऱ्या नवी मुंबई महापालिकेच्या सार्वत्रिक निवडणुकीचे बिगुल अखेर वाजले आहे. या निवडणुकीसाठी आवश्यक असलेली प्रभाग आरक्षण सोडत निवडणूक आयोगाकडून येत्या 1 फेब्रुवारी रोजी काढण्यात येणार आहे
महापालिकेची ही निवडणूक 111 प्रभागांमधून होणार आहे. त्यामध्ये महिलांच्या 56 तर पुरुषांच्या 55 प्रभागांचा समावेश आहे. यामध्ये 69 प्रभाग सर्वसाधारण प्रवर्गासाठी, 30 प्रभाग ओबीसी प्रवर्गासाठी, 10 प्रभाग एससी आणि दोन प्रभाग एसटी प्रवर्गासाठी असणार आहेत. एससी आणि एसटी प्रवर्गांच्या प्रभागाची सोडत निघणार नाही. ते लोकसंख्येच्या निकषानुसार निवडणूक आयोग ठरवणार आहे. Ad
अडीच महिन्यांचा कालावधी
एप्रिलमध्ये होणाऱ्या महापालिका निवडणुकीसाठी प्रभाग आरक्षणाची सोडत डिसेंबरमध्येच निघणे आवश्यक होते. मात्र पॅनल पद्धत रद्द झाल्यामुळे ही सोडत सुमारे दोन महिने लांबणीवर पडली. सोडतीच्या प्रक्रियेनंतर सर्वच पक्षांच्या इच्छुक उमेदवारांना निवडणुकीच्या तयारीसाठी फक्त अडीच महिन्यांचा कालावधी मिळणार असल्याने त्यांची पुरती दमछाक होणार आहे.
कोणत्याही टिप्पण्‍या नाहीत:
टिप्पणी पोस्ट करा