गट अन् गणांत मोडतोड, गावांचीही अदलाबदल; सातारा जिल्हा परिषद, पंचायत समितीची प्रारूप रचना जाहीर.
सातारा जिल्हा परिषदेची निवडणुकीसाठी जिल्ह्यातील ६५ गट आणि पंचायत समितीच्या १३० गणांचा प्रारूप आराखडा सोमवारी जाहीर करण्यात आला. यामध्ये काही तालुक्यांतील गट आणि गणांत मोडतोड झाली असून नावेही बदलली आहेत.
काही ठिकाणी गावांची अदलाबदलही झाली आहे. त्यामुळे खटाव, फलटण आणि काेरेगाव तालुक्यात प्रत्येकी एक गट आणि दाेन गट वाढले आहेत. यावर २१ जुलैपर्यंत हरकती नोंदवता येणार आहेत.
जिल्हा प्रशासनाने जिल्हा परिषद गट आणि पंचायत समिती गणांची प्रभाग रचना प्रसिद्ध केली. यामध्ये बहुतांशी जुन्या गटांची आणि गणांची नावे जैसे थेच आहेत. पण, काही ठिकाणी बदल झाला आहे. तसेच खटाव, कोरेगाव आणि खटाव तालुक्यात प्रत्येकी एक गट आणि दोन गण वाढलेत. यामुळे या तालुक्यात पूर्वीच्या गट आणि गणात मोडतोड झाली आहे. काही गावे दुसरीकडे, तसेच नवीन गट-गणात जोडण्यात आली आहेत.
तसेच याच तालुक्यात नवीन गट आणि गण निर्माण झालेत. त्यातील काही पूर्वीचे गट होते. या प्रारूप रचनेवर २१ जुलैपर्यंत आलेल्या हरकतीवर विभागीय आयुक्तांसमोर प्रत्यक्षात सुनावणी होणार आहे.
तालुकानिहाय गट अन् गण..
पाटण
गोकुळ तर्फ हेळवाक - गोकुळ, कामगरगाव
तारळे - तारळे, मुरुड
म्हावशी - म्हावशी, चाफळ
मल्हारपेठ - मल्हारपेठ, नाडे
मारुल हवेली - मारुल हवेली, नाटोशी
मंद्रूळ कोळे - मंद्रूळ कोळे, सणबूर
काळगाव - काळगाव, कुंभारगाव
कऱ्हाड
गट - गण
पाल - पाल, चरेगाव
उंब्रज - उंब्रज, तळबीड
मसूर - मसूर, वडोली भिकेश्वर
कोपर्डे हवेली - कोपर्डे हवेली, वाघेरी
सैदापूर - सैदापूर, हजारमाची
वारुंजी - वारुंजी, कोयना वसाहत
तांबवे - तांबवे, सुपने
विंग - विंग, कोळे
कार्वे - कार्वे, गोळेश्वर
रेठरे बुद्रुक - रेठरे बुद्रुक, शेरे
काले - काले, कालवडे
येळगाव - येळगाव, सवादे
कोणत्याही टिप्पण्‍या नाहीत:
टिप्पणी पोस्ट करा