ढेबेवाडी पोलिसांनी दिलेली माहिती अशी की, ढेबेवाडी पोलीस ठाण्याच्या हद्दीतील एका गावात गुरुवार, दि. 28 मे रोजी दुपारी एकच्या सुमारास पीडित मुलगी आपल्या आईला फोन करण्यासाठी गावातील नातेवाईकांच्या घराजवळ आली होती.यावेळी नात्यातील एका 35 वर्षीय मुलाने घरात कोणी नसल्याचा फायदा घेत मुलीला मोबाईल बघण्याच्या निमित्ताने जवळ बोलावून घेतले व तिच्यावर अत्याचार केला. ही बाब कोणाला सांगायची नाही, जर सांगितलीस तर जिवे मारीन, अशी धमकी दिली.
आई घरी आल्यानंतर घाबरलेल्या मुलीने ही हकीकत सांगितली. याबाबत आईने ढेबेवाडी पोलिस ठाण्यात संशयित नराधमाच्या विरोधात गुन्हा दाखल केला असून, ढेबेवाडी पोलिसांनी त्याला ताब्यात घेतले आहे. अधिक तपास स.पो.नि. प्रवीण दाईंगडे करत आहेत.
कोणत्याही टिप्पण्‍या नाहीत:
टिप्पणी पोस्ट करा