डाॅ.संदीप डाकवे यांना पश्चिम महाराष्ट्र भूषण पुरस्कार जाहीर

 डाॅ.संदीप डाकवे यांना पश्चिम महाराष्ट्र भूषण पुरस्कार जाहीर

तळमावले/वार्ताहर
ठाणे येथील पश्चिम महाराष्ट्र रहिवासी विकास संस्था यांच्या वतीने दिला जाणारा पश्चिम महाराष्ट्र भूषण पुरस्कार पाटण तालुक्यातील डाकेवाडी (काळगांव) येथील युवा पत्रकार व चित्रकार डाॅ.संदीप डाकवे यांना जाहीर झाला आहे. या पुरस्काराचे वितरण रविवार दि.30 एप्रिल, 2023 रोजी सांस्कृतिक रंगमंच, निलांबरी सोसायटी समोर, विटावा नाका, ठाणे येथे महाराष्ट्राचे मुख्यमंत्री ना.एकनाथ शिंदे, राष्ट्रवादी काॅंग्रेस पार्टीचे प्रदेशाध्यक्ष जयंत पाटील, राज्य शुल्क उत्पादन मंत्री तथा पालकमंत्री ठाणे व सातारा ना.शंभूराज देसाई, खा.डाॅ.श्रीकांत शिंदे, आ.जीतेंद्र आव्हाड व अन्य मान्यवर यांच्या हस्ते होणार असल्याची माहिती संस्थेचे अध्यक्ष नवनीत सिनलकर व सचिव विजय पवार यांनी दिली आहे.
यापूर्वी डाॅ.संदीप डाकवे यांना उत्कृष्ट पत्रकारितेसाठी महाराष्ट्र राज्य शासनाकडून 4 वेळा पुरस्कार देवून गौरवले आहे. आतापर्यंत त्यांची 9 पुस्तके, 13 हस्तलिखिते प्रकाशित झाली आहेत. त्यांनी वृत्तपत्र कात्रण प्रदर्शने भरवली आहेत. तसेच विविध विषयांवर लेखन केले आहे. इंडिया बुक ऑफ रेकाॅर्ड, हायरेेंज बुक ऑफ वर्ल्ड रेकाॅर्ड आणि वर्ल्ड ग्रेटेस्ट रेकाॅर्ड, द ग्रेटेस्ट इंडियन या पुस्तकात त्यांच्या नावाची नोंद झाली आहे. प्रिंट मिडीयासह टीव्ही 9 मराठी, झी 24 तास, साम टीव्ही, एबीपी माझा, आयबीएन लोकमत, जय महाराष्ट्र, लोकशाही न्यूज या आघाडीच्या इलेक्ट्राॅनिक मिडीयाने त्यांची दखल घेतली आहे. दूरदर्शनच्या ‘विचारांच्या पलीकडले’ या कार्यक्रमात त्यांची अर्ध्या तासाची मुलाखत प्रसिध्द झाली आहे. पश्चिम महाराष्ट्र भूषण पुरस्कार जाहीर झाल्याबद्दल विविध स्तरांतून डाॅ.संदीप डाकवे यांचे अभिनंदन होत आहे.