तळमावले : तेजस्विनी चोरगे चा ‘स्पंदन’ कडून सन्मान
तळमावले/वार्ताहर
पिंपरी चिंचवड पुणे येथे सहाय्यक मोटार वाहन निरीक्षक पदी नियुक्ती झाल्याबद्दल तेजस्विनी भरत चोरगे हिचा ‘स्पंदन’ च्यावतीने ‘अभिमान सन्मानपत्र’ देवून गौरव करण्यात आला. मुळच्या गलमेवाडी येथील असलेल्या तेजस्विनी ने उज्ज्वल यश संपादन केल्याबद्दल स्पंदन चॅरिटेबल ट्रस्ट महाराष्ट्र राज्य यांच्या वतीने हा अनोखा सन्मान त्यांच्या निवासस्थानी केला. याप्रसंगी ट्रस्टचे संस्थापक अध्यक्ष डाॅ.संदीप डाकवे, भरत चोरगे, दिलीप बोत्रे, अजय बोर्गे आणि चोरगे कुटूंबीय उपस्थित होते. दरम्यान, तेजस्विनी चोरगे यांना डाॅ.संदीप डाकवे यांनी नावात रेखाटलेला अक्षरगणेशा आणि स्पंदन दिनदर्शिका दिली.
प्रतिकूल परिस्थितीत तेजस्विनीने मिळवलेले यश ग्रामीण भागातील विद्याथ्र्यांसाठी प्रेरणादायी आहे. अभिमानास्पद यशाबद्दल त्यांचे कौतुक करण्यासाठी तेजस्विनीला सदर सन्मानपत्र दिल्याचे ट्रस्टचे संस्थापक अध्यक्ष डाॅ.डाकवे यांनी सांगितले. स्पंदन ट्रस्टने आतापर्यंत सामाजिक बांधिलकी जपणारे 90 पेक्षा अधिक उपक्रम राबवत समाजमनावर आपली कर्तृत्वमुद्रा उमटवली आहे.
कोणत्याही टिप्पण्या नाहीत:
टिप्पणी पोस्ट करा