जिल्ह्यात ग्रामपंचायत निवडणुकांची रणधुमाळी सुरू आहे. गावची निवडणूक हा लोकशाही उत्सव समजून जिल्ह्यातील काही ठिकाणाहून इच्छुक उमेदवारांचा चांगला प्रतिसाद मिळाला.तालुक्यातून 130 ग्रापंचायतींच्या 1 हजार 46 जागांसाठी 2 हजार 259 अर्ज, जावली तालुक्यातून 75 ग्रामपंचायतींच्या 545 जागांसाठी 745 अर्ज, कोरेगाव तालुक्यातून 56 ग्रामपंचायतींच्या 468 जागांसाठी 1 हजार 156 अर्ज, कराड तालुक्यातून 104 ग्रामपंचायतींच्या 1 हजार 24 जागांसाठी 3 हजार 171 अर्ज, पाटण तालुक्यातून 107 ग्रामपंचायतींच्या 809 जागांसाठी 1 हजार 675 अर्ज, वाई तालुक्यातून 76 ग्रामपंचायतींच्या 606 जागांसाठी 1 हजार 151 अर्ज, खंडाळा तालुक्यातून 57 ग्रामपंचायतींच्या 461 जागांसाठी 1 अर्ज 468, महाबळेश्वर तालुक्यातून 42 ग्रामपंचायतींच्या 296 जागांसाठी 376 अर्ज, माण तालुक्यातून 61 ग्रामपंचायतींच्या 529 जागांसाठी 1 हजार 380 अर्ज, खटाव तालुक्यातून 2 हजार 94 अर्ज, फलटण तालुक्यातून 80 ग्रामपंचायतींच्या 712 जागांसाठी 2 हजार 408 अर्ज दाखल झाले. जिल्ह्यातील 879 ग्रामपंचायतींच्या 7 हजार 264 जागांसाठी 17 हजार 883 उमेदवारी अर्ज दाखल झाले.जिल्हा प्रशासनाकडे सादर झालेल्या या उमेदवारी अर्जांची छाननी प्रक्रिया तालुक्याच्या ठिकाणी निवडणूक निर्णय अधिकार्यांच्या उपस्थितीत सकाळी 11 वाजल्यापासून उमेदवार व त्यांच्या प्रतिनिधींसमोर सुरू झाली. दाखल केलेल्या अर्जासोबतची कागदपत्रे, उमेदवाराने भरलेली माहिती तपासण्यात आली. अर्ज वैध, अवैध ठरवताना निवडणूक निर्णय अधिकार्यांना उमेदवार व गावकारभार्यांच्या शंकांचे निरसन करावे लागले. एकेका तालुक्यातून हजारोंच्या संख्येने अर्ज दाखल झाल्याने छाननी प्रक्रिया रात्री उशिरापर्यंत सुरू होती.
कोणत्याही टिप्पण्या नाहीत:
टिप्पणी पोस्ट करा