ढेबेवाडी : सुमारे १० दिवसापूर्वी राहत्या घरातून बेपत्ता झालेल्या शिद्रुकवाडी(गुढे) ता.पाटण येथील नथुराम मोहन पाटील वय ३३ यांचा आज दि.१८ रोजी 9 वाजण्याच्या सुमारास ढेबेवाडी जवळील वांग नदीच्या पुलाजवळ मृतदेह पाण्यावरती तरंगत असलेला सापडला.या घटनेची नोंद ढेबेवाडी पोलिसात झाली असून ,ढेबेवाडी पोलिसांनी दिलेल्या माहितीनुसार शिद्रुकवाडी(गुढे) ता पाटण येथील नथुराम पाटील वय 33 हे गेल्या 10 दिवसापूर्वी बेपत्ता झाले होते.याची तक्रार त्यांचे दाजी सचिन चव्हाण यांनी ढेबेवाडी पोलिसांना दिली होती,त्यावरून पोलीस तपास करत होते.आज शनिवार दि.१८/१२/२०२१ रोजी ढेबेवाडी पुलाजवळ अज्ञान व्यक्तीचा मृतदेह पाण्यात तरंगत असलेला अनेक लोकांनी पाहिले,तेथे लोकांनी गर्दी केली होती.या घटनेची माहिती मिळताच पोलीस दाखल झाले,त्यांनी 10 दिवस बेपत्ता असलेल्या नथुराम पाटील यांच्या नातेवाईकांना बोलावण्यात आले.यावेळी नथुराम पाटील यांचे दाजी सचिन चव्हाण यांनी सदर व्यक्तीचा मृतदेह पाहिला व सदर व्यक्ती नथुराम पाटील आहेत अशी माहिती दिली.घटनेची नोंद ढेबेवाडी पोलिसात झाली असून तपास स.पो.नि. संतोष पवार यांच्या मार्गदर्शनाखाली हवालदार शेळके,शेवाळे करत आहेत.
कोणत्याही टिप्पण्या नाहीत:
टिप्पणी पोस्ट करा