धक्कादायक! ढेबेवाडी : 7 वर्षीय मुलीवर अत्याचार, गळा दाबून केला खून आरोपी गजाआड

ढेबेवाडी :धक्कादायक! 7 वर्षीय मुलीवर अत्याचार, गळा दाबून केला खून आरोपी गजाआड

प्रतिनिधी :दीपक सुर्वे

ढेबेवाडी :ता. पाटण येथील सुतारवाडी ( रुवले) येथे काल, बुधवार दि.29 रोजी दुपारच्या सुमारास सात वर्षीय अल्पवयीन मुलीवर अत्याचार करून तिचा खून करण्यात आला.तिचा मृतदेह जवळच असलेल्या डोंगरातील ओढ्यात टाकून देण्यात आला होता. आज, गुरूवारी पहाटेच्या सुमारास ही घटना उघडकीस आली. ढेबेवाडी पोलिसांनी आरोपीच्या  अटक केली आहे. संतोष थोरात (वय .48 रा. रुवले) असे आरोपीचे नाव आहे. ढेबेवाडी पोलिसांनी दिलेल्या माहितीनुसार, संतोष थोरात याने काल, बुधवारी दुपारी अल्पवयीन मुलीस सोबत घेऊन रानात वैरण आणण्यासाठी नेले होते.हा नराधम तिच्या ओळखीचा असल्याने मुलगी त्याच्याबरोबर रानात गेली तेथे गेल्यावर आरोपीने तिच्यावर अत्याचार केला .आणि  नरड्यावर पाय देऊन त्याने तिचा खून केला. त्यानंतर मृतदेह डोंगरातील ओढ्यात टाकून तो घरी आला. सायंकाळी घरातील लोकांनी मुलगी घरी आली नाही, म्हणून शोधाशोध केली. मात्र ती सापडली नाही. ग्रामस्थांनी परिसरात शोध घेऊनही ती  सापडली नाही. म्हणून ढेबेवाडी पोलिस ठाण्यात तक्रार दिली. पोलिसांनी तपास केला असता पोलिसांना संतोष थोरात याच्या हालचाली संशयास्पद  वाटल्याने त्याला चौकशीसाठी ताब्यात घेतले. त्याच्याकडे चौकशी केली असता त्याने उडवाउडवीची उत्तरे दिली. पोलिसांनी गावातील नथुराम सुतार यांनी घरावर बसवलेल्या सीसीटीव्ही कॅमेऱ्याची तपासणी केली असता आरोपी त्या अल्पवयीन मुलीला घेवून गेल्याचे दिसून आल्यानंतर आरोपीने गुन्हा कबूल केला. त्यानंतर मुलीला ज्या ठिकाणी मारुन टाकले होते ते ठिकाण दाखवले. पोलिसांनी मुलीचा मृतदेह ताब्यात घेवून शवविच्छेदनासाठी कराड येथील रुग्णालयात पाठवला होता शवविच्छेदन झाल्या नंतर मृतदेह नातेवाईकांच्या ताब्यात देण्यात आला आज दुपारी 3 वाजता पार्थिवावर अंतिमसंस्कार  करण्यात आले . या घटनेने गावात तणावाचे वातावरण आहे.

घटनास्थळी गृहराज्यमंत्री शंभूराज देसाई,जिल्हा पोलीस अधीक्षक अजयकुमार बन्सल, उपअधीक्षक रणजित पाटील यांनी भेट देवून तपासकामी पोलिसांना सूचना दिल्या.