डाॅ.संदीप डाकवे व राजेद्र कुंभार यांनी मानले जाहीर आभार
तळमावले/वार्ताहर
रविवार दि.12 सप्टेंबर, 2021 रोजी दूरदर्शन सहयाद्री वाहिनीवर पाटण तालुक्यातील डाकेवाडी (काळगांव) येथील युवा शब्दचित्रकार डाॅ.संदीप डाकवे व उमरकांचन (जिंती) येथील शिल्पकार राजेंद्र कुंभार यांची मुलाखत प्रसिध्द झाली होती. मुलाखत प्रसारित होण्यापूर्वी ती पाहण्याचे आवाहन या दोघांनी विविध वृत्तमानपत्रातील बातम्या, मोबाईल स्टेटस, इन्स्टाग्राम, मोबाईल डीपी, फेसबुक, वेब पोर्टल, पोस्ट व अन्य सोशल मिडीयावरुन आवाहन केले होते. त्याला प्रचंड प्रतिसाद मिळाला. अनेकांनी इतरांना फोनवरुन व त्यांच्या सोशल मिडीयावरुन मुलाखतीची कल्पना दिली यामुळे जास्तीत जास्त लोकांनी सदर मुलाखत पाहिली आहे. यातून या दोघांच्या कलेविषयी आणि उपक्रमांविषयी माहिती मिळाली आहे. यामुळे या दोघांनी मुलाखत पाहिलेल्या तसेच मुलाखतीचे फोटो, व्हीडिओ पाठवलेल्या सर्व लोकांचे, प्रेक्षकांचे मनापासून जाहीर आभार मानले आहेत. सर्वांनाच फोन करुन, मेसेज पाठवून देणे शक्य होणार नाही म्हणून त्यांनी या बातमीच्या माध्यमातून लोकांप्रती आपले ऋण व्यक्त केले आहे. पाटण तालुकावासियांना या दोघांचा अभिमान वाटत आहे.
काही कारणास्तव ज्यांना ही मुलाखत पाहणे शक्य झाले नाही. त्यांना हा अनुभव घेण्यासाठी त्या मुलाखतीची लिंक दिली आहे. ती पाहून आपण आपल्या प्रतिक्रिया शब्दचित्रकार डाॅ.संदीप डाकवे, मो. 9764061633, शिल्पकार राजेंद्र कुंभार मो. 9702307019 यावर नक्की कळवाव्यात. तसेच स्पंदन चॅरिटेबल ट्रस्ट महाराष्ट्र राज्य यांच्यावतीने वेळोवेळी राबवत असलेल्या विधायक उपक्रमात सहभागी व्हावे याशिवाय आपल्या सर्वांच्या शुभेच्छा, आशिर्वाद आमच्या पाठीशी कायम राहाव्यात असेही आवाहन त्यांनी केले आहे.
सदर मुलाखतीमुळे भविष्यात काम करण्यासाठी आणखी ऊर्जा आणि पाठबळ मिळाले असल्याची प्रतिक्रिया डाॅ.डाकवे आणि कुंभार यांनी व्यक्त केली आहे. त्यांच्या भावी वाटचालीस हार्दिक शुभेच्छा..!
मुलाखत पाहण्यासाठी लिंक.
https://youtu.be/eoniqfSHwiE
कोणत्याही टिप्पण्‍या नाहीत:
टिप्पणी पोस्ट करा