*शॉपिंग मॉल रात्री 10 पर्यंत चालू*
सातारा दि.17 : मुख्य सचिव, सार्वजनिक आरोग्य विभाग, महाराष्ट्र शासन यांचेकडील
11 ऑगस्ट 2021 अन्वये निर्गमित करणेत आलेल्या आदेशातील जिल्हादंडाधिकारी तथा अध्यक्ष, जिल्हा आपत्ती व्यवस्थापन प्राधिकरण शेखर सिंह यांनी शॉपिंग मॉल संबंधी बाबींमध्ये सुधारणा केलेल्या आहेत.
सातारा जिल्हयात दि. 13 ऑगस्ट 2021 चे आदेशात अशी नव्याने खालीलप्रमाणे सुधारणा करण्यात येत आहे. सातारा जिल्हयातील सर्व शॉपिंग मॉल सर्व दिवस रात्री 10 वा. पर्यत सुरु ठेवण्याची मुभा देण्यात येत आहे. तथापि, शॉपिंग मॉलमध्ये काम करण्याऱ्या सर्व व्यवस्थापन व कर्मचारी आणि प्रवेश करण्याऱ्या सर्व नागरिकांचेही कोविड प्रतिबंधात्मक लसीकरणाच्य दोन मात्रा पूर्ण व दुसरी मात्रा. घेऊन 14 दिवस पूर्ण झालेले असणे आवश्यक राहिल व तसे लसीकरण प्रमाणपत्र व त्यासमवेत फोटोसहीत ओळखपत्र प्रवेशद्वारावर दाखविणे आवश्यक राहील. वय वर्ष 18 खालील वयोगटातील मुलांचे लसीकरण अद्याप सुरु न झाल्याने वय वर्षे 18 खलील वयोगटातील मुला/ मुलींना मॉल मध्ये प्रवेश करताना वयाचा पुरवा म्हणून आधारकार्ड,आयकर विभागाने निर्गमित केलेले पॅनकार्ड किंवा वयाचा उल्लेख असलेले शाळा किंवा महाविद्यालयाचे वैध ओळखपत्र प्रवेशद्वारावर दाखविणे आवश्यक राहील.
0000
कोणत्याही टिप्पण्या नाहीत:
टिप्पणी पोस्ट करा