*खा. श्रीनिवास पाटील यांच्या प्रयत्नातून निधी मंजूर*

*खा. श्रीनिवास पाटील यांच्या प्रयत्नातून निधी मंजूर*

कराड : प्रतिनिधी दि.28

  खा.श्रीनिवास पाटील यांच्या प्रयत्नातून चार गावातील कब्रस्तानाच्या विकास कामांसाठी अर्धा कोटीचा निधी मंजूर झाला आहे. तशी माहिती त्यांच्या संपर्क कार्यालयाच्या वतीने देण्यात आली असून यामुळे कब्रस्तानातील निवारण शेडसह संरक्षक भिॆतीची कामे मार्गी लागणार आहेत.

    कराड तालुक्यातील पाल येथील कब्रस्तानास संरक्षक भिंत बांधण्याच्या कामासाठी 10 लाख रूपये मंजूर झाले आहेत. तसेच शिरवडे येथील कब्रस्तानास संरक्षक भिंत बांधण्यासाठी 10 लाख, खोडशी येथील कब्रस्तानास संरक्षक भिंत बांधण्याच्या कामासाठी 15 लाख आणि पाटण तालुक्यातील तारळे येथील कब्रस्तानात निवारा शेड व संरक्षक भिंत बांधण्यासाठी 13 लाख रूपये मंजूर झाले आहेत.

   सदर गावातील नागरिकांनी संबधित कामासाठी निधी उपलब्ध करून देण्यात यावा अशी मागणी खा.श्रीनिवास पाटील यांच्याकडे केली होती. त्यानुसार खा. पाटील यांनी शासनाकडून हा निधी मंजूर करून घेतला आहे. निधी मंजूर होण्यासाठी राज्याचे अल्पसंख्याक विकास मंत्री ना. नवाब मलिक, पालकमंत्री ना.बाळासाहेब पाटील यांचे सहकार्य लाभले आहे. त्यामुळे अनेक दिवसापासून प्रलंबित असलेली ही कामे मार्गी लागणार  असल्याने नागरिकांमधून समाधान व्यक्त केले जात आहे. दरम्यान हा निधी उपलब्ध करून दिल्याबद्दल स्थानिक ग्रामस्थांनी खा. श्रीनिवास पाटील यांचे  आभार मानले आहेत.