तळमावले / वार्ताहर
दि.24 : मोरेवाडी,कुंभारगाव, ता.पाटण येथील शेतकरी विशाल विजय मोरे यांच्या मालकीच्या शेतातील उसाच्या फडला अचानक आग लागल्याने सुमारे शंभर गुंठ्यांतील ऊस जळल्याने मोठे नुकसान झाले आहे.आगीचे कारण समजू शकले नाही.ही घटना गुरुवारी दि.24 रोजी दुपारी तीनच्या सुमारास घडली
गावातील युवकांनी वेळीच आग विझवल्यानं मोठा अनर्थ टळला.
मोरेवाडी येथील उसउत्पादक शेतकरी श्री. विशाल मोरे यांच्या मालकीचे सोनाराची पट्टी नावाच्या शेतात पन्नास गुंठे आणि तेथुन जवळच असलेल्या कुंभारकी नावाच्या शेतातील पन्नास गुंठे असे मिळून शंभर गुंठे शेत आहे.या दोन्ही शेतातील उसाला अचानक आग लागल्याने या दोन्ही शेतातील शंभर गुंठे क्षेत्रातील ऊस जळाला आहे.आणि शेतीत ठिबक सिचनचे साहित्यही जळाल्याने मोरे यांचे मोठे नुकसान झाले आहे.
ऊसाच्या फडला आग लागलेली समजताच कुंभारगाव व मोरेवाडी येथील ग्रामस्थ व युवक धावत येऊन आग आटोक्यात आणण्यासाठी शर्थीचे प्रयत्न करून आग आटोक्यात आणली त्यामुळे पुढील अनर्थ टळला कारण आजूबाजूला मोठ्या प्रमाणात ऊसाचे क्षेत्र असल्याने ते क्षेत्र आगीपासून वाचवण्यात ग्रामस्थांना यश आले.
सुमारे 50 ते 60 युवकानीं ही आग आटोक्यात आणण्यासाठी प्रयत्न केले.
कोणत्याही टिप्पण्या नाहीत:
टिप्पणी पोस्ट करा